ინგლისის პრემიერლიგის მე-4 ტურში "კრისტალ პალასმა" "ტოტენჰემს" უმასპინძლა და 3:0 დაამარცხა.
უგოლო პირველი ტაიმის შემდეგ მეორე ნახევარი სტუმრებისთვის ცუდად დაიწყო, როდესაც 5-წუთიან მონაკვეთში "მამლების" მცველმა, ჯაფეტ ტანგანგამ ორი ყვითელი ბარათი მიიღო და მოედანი ნაადრევად დატოვა.
ამის შემდეგ მასპინძლები გააქტიურდნენ, 76-ე წუთზე უილფრიდ ზაჰამ პენალტი ზუსტად შეასრულა და საკუთარი გუნდი დააწინაურა.
"კრისტალ პალასში" "სელტიკიდან" ახლახან გადასული თავდამსხმელი ოდსონ ედუარი შეცვლაზე 84 წუთზე შევიდა, იმავე წუთზე სადებიუტო გოლი გაიტანა, ხოლო 90+3 წუთზე შეხვედრის საბოლოო შედეგი დააფიქსირა. მის შეძენას "რუბინი" ცდილობდა, მაგრამ გლაზგოურმა
კლუბმა 18 მილიონი ევრო მოითხოვა და ტრანსფერი არ შედგა.
ამრიგად, "ტოტენჰემი" 4 ტურის შემდეგ 9 ქულით 1-ელ ადგილზეა, "კრისტალ პალასი" 5 ქულით მე-11 ადგილს იკავებს.
მე-5 ტურის შეხვედრას "მამლები" 19 სექტემბერს, "ჩელსის" წინააღმდეგ გამართავს, "პალასი" 18 სექტემბერს "ლივერპულს" ესტუმრება.
![alt](/pictures/image50/d1a43c04b6da491e4ef70aef1304ccc0.jpg "სანატრელი დებიუტი ედუარდისთვის - შემოვიდა, 2 გოლი გაიტანა და "ტოტენჰემი" გაანადგურა")
"ტოტენჰემს" ახალი მწვრთნელი ჰყავს
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
![ევროპა ლიგა. II ტური: ოდიშარიას ჩინებული გოლი გალათასარაისთან" - "რიგასმა" ისტორიულ ფრეს მიაღწია [VIDEO]](/pictures/image7/3d5ae1d730731365960368dfc3d2a4e3.jpg "ევროპა ლიგა. II ტური: ოდიშარიას ჩინებული გოლი გალათასარაისთან\" - \"რიგასმა\" ისტორიულ ფრეს მიაღწია [VIDEO]")
