"მილანისა" და უკრაინის ნაკრების ლეგენდარულმა ფეხბურთელმა, ამავე ქვეყნის ეროვნული გუნდის ყოფილმა მთავარმა მწვრთნელმა ანდრეი შევჩენკომ რუსეთის აგრესიასთან მებრძოლ სახელმწიფოში რომის პაპის ვიზიტზე ისაუბრა. "რასაკვირველია, უკრაინაში რომის პაპის ჩამოსვლა ძალიან სასარგებლო იქნება, მაგრამ ამ პერიოდში ჩვენთვის დახმარების საუკეთესო გზა საკუთარი ქვეყნის დაცვაში გვერდით დგომა და ლტოლვილების მიღება იქნება, განსაკუთრებით, ქალებისა და ბავშვების", - თქვა "შევამ" იტალიურ Canale 5-თან საუბრისას.
რუსეთის სამხედრო შენაერთები უკრაინას თავს 24 თებერვალს დაესხა და ქვეყანაში საომარი მოქმედებები დღემდე მიმდინარეობს.
