თბილისში ჩამოსული ბულგარეთის ნაკრები ავტოავარიაში მოჰყვა. ბულგარული მედიის ცნობით, მათი ეროვნული გუნდი აეროპორტიდან სასტუმროში უეფას მოთხოვნის შესაბამისად ორი ავტობუსით მიდიოდა, ერთ-ერთის მძღოლმა გვირაბში მკვეთრად დაამუხრუჭა და შეჯახება მოხდა, რომელიც იმდენად ძლიერი იყო, რომ ნახევარმცველი ტოდორ ნედელევი დაშავდა. მას მინის ნამსხვრევები სახესა და ხელზე მოხვდა და დაუსისხლიანდა. ის სამედიცინო დახმარების აღმოსაჩენად და გამოკვლევის ჩასატარებლად საავადმყოფოში გადაიყვანეს და მასთან ერთად გუნდის ექიმი იმყოფება.
ნედელევის მდგომარეობა სტაბილურია, მის სიცოცხლეს საფრთხე არ ემუქრება, ხოლო გუნდის სხვა წევრები და პერსონალი არ დაზიანებულა.
ბულგარეთის ფეხბურთის ფედერაციის ვიცე-პრეზიდენტმა მიხაილ კასაბოვმა ინციდენტის შესახებ საქართველოში ბულგარეთის საელჩო ჩააყენა საქმის კურსში, პოლიციამ კი გამოძიება დაიწყო.
"ბულგარეთის ეროვნული ნაკრები თბილისში ჩასვლის შემდეგ მძიმე ავარიაში მოხვდა. გზად სასტუმროსაკენ ორი ავტობუსიდან პირველის მძღოლმა მართვის კონტროლი დაკარგა, რამაც სერიოზული ავარია გამოიწვია. შეჯახების შემდეგ ტოდორ ნედელევი საავადმყოფოში გადაიყვანეს, სადაც საფუძვლიანი გამოკვლევა უტარდება. გუნდის ყველა დანარჩენი წევრი და პერსონალი კარგადაა", - ნათქვამია ბულგარეთის ფეხბურთის ფედერაციის განცხადებაში.
თბილისში ბულგარეთის ნაკრების ჩამოსვლამდე ბერბატოვმა ბუნტი წამოიწყო
ჩვენებს რომ ასეთი რამე მოსვლოდა რა ამბავს ავწევდით.
ტრიბუნიდან თუ გაამხნევებს მაყურებელი კარგი იქნება.
გაგვიმართლა, უარესი მომხდარიყო შეიძლებოდა!
კარგია, რომ სამივე თამაშში სამივეს მაგრა ვაჯობეთ და ხვალინდელ თამაშზე სალაპარაკო არავის არ უნდა ჰქონდეს (ხვალ ხვიჩამ რომ არ ითამაშოს იქნებ კარგიც იყოს!).
ფეხბურთში, და არა მარტო ფეხბურთში წინ წავალთ მხოლოდ იმ შემთხვევაში თუ სწორ დასკვნებს გავაკეთებთ!
ღმერთი იყოს ჩვენი მფარველი!
წარმატება ბიჭებს!