"ბარსელონას" მწვრთნელმა ხავიმ წინადადება წამოაყენა ყველა სანაკრებო მატჩი ერთი საერთაშორისო პაუზისას ჩატარდეს. ამის შესახებ მან ESPN-თან ინტერვიუში ისაუბრა.
ნაკრებებში მიღებული ტრავმების გამო ლა ლიგის მე-7 ტურში "მალიორკასთან" "ბარსელონას" ფეხბურთელები რონალდ არაუხო, ჟიულ კუნდე, ფრენკი დე იონგი და მემფის დეპაი ვერ ითამაშებენ.
- როგორ ავირიდოთ ნაკრებებში ფეხბურთელების ტრავმებისგან თავი?
- ეს რთულია. ფიფას მსოფლიოს ჩემპიონატის ყოველ ორ წელიწადში ჩატარების გეგმა აქვს, ეს კამათს იწვევს, მაგრამ არის კალენდრის ვარიანტი, რომლის მიხედვით ნაკრებები იკრიბებიან და თვენახევარი თამაშობენ. ამის შემდეგ ფეხბურთელები სეზონის ბოლომდე კლუბებში იქნებიან.
