ესპანური Mundo Deportivo ავრცელებს ინფორმაციას, რომ საუდის არაბეთის კლუბ "ალ-ჰილალს" ლიონელ მესის დამატება სურს. გუნდი მზადაა, არგენტინელ ვარსკვლავს სეზონურად 300 მილიონი ევრო გადაუხადოს.
"ალ-ჰილალი" საუდის არაბეთის ჩემპიონატში პირველობისთვის ბრძოლაში კრიშტიანო რონალდოს "ალ-ნასრის" მთავარი კონკურენტია.
მოგეხსენებათ, მესის ზაფხულში პსჟ-სთან კონტრაქტი ეწურება და თავისუფალი აგენტი ხდება. ბოლო ინფორმაციით, ის პარიზულ გუნდთან კონტრაქტის გახანგრძლივებას აპირებს.
