14 ოქტომბერს, ევროპის ჩემპიონატის საკვალიფიკაციო ეტაპის მატჩში, იტალია მალტას მასპინძლობს, თუმცა აღნიშნულ შეხვედრაში "აძურის" ორი ნახევარმცველი, სანდრო ტონალი და ნიკოლო ძანიოლო, დააკლდება.ფაბრიციო რომანოს ცნობით, ორივე მათგანი ფსონების განთავსებაშია ეჭვმიტანილი და პროკურატურამ საქმის გამოძიება დაიწყო.
შეგახსენებთ, რამდენიმე დღის წინ იმავე ბრალდებით საქმე იტალიის ნაკრების კიდევ ერთი ნახევარმცველის, ნიკოლო ფაჯოლის წინააღმდეგ აღიძრა.
გამოცემის ინფორმაციით, ტონალიმაც და ძანიოლომაც იტალიის ნაკრების ბაზა დატოვეს.
