ნიგერიის პროფესიონალ ფეხბურთელთა ასოციაციის პრეზიდენტ ტიჯანი ბაბანგინდას ოჯახში დიდი ტრაგედია დატრიალდა. ფეხბურთელი სამშობლოში მეუღლესთან, ძმასთან და ერთ-ერთ მათთან დასაქმებულ ქალბატონთან ერთად ავტოავარიაში მოჰყვა, რის შედეგადაც მისი 47 წლის ძმა გარდაიცვალა. ინფორმაციას ადგილობრივი პრესა ავრცელებს.
თავად ტიჯანიმ სხეულის მძიმე დაზიანებები მიიღო, მაგრამ მის სიცოცხლეს საფრთხე არ ემუქრება. ის მეუღლესთან და ზემოთ აღნიშნულ ქალბატონთან ერთად საავადმყოფოში გადაიყვანეს.
ბაბანგიდა გულშემატკივარს განსაკუთრებულად "აიაქსში" გატარებული პერიოდით ემახსოვრება. ის 1996 წელს ოლიმპიური ჩემპიონიც გახდა.
