"ბარსელონას" "ლევერკუზენის" ცენტრალური მცველის, ჯონათან ტას დამატება სურს. ამის შესახებ ინფორმაციას გერმანელი ჟურნალისტი ფლორიან პლატენბერგი ავრცელებს.წყაროს ცნობით, კატალონიელები კრისტენსენისა და არაუხოს ტრავმის გამო მისი შემცვლელის ძებნას შეუდგნენ.
ტრანსფერის შანსს ზრდის ის გარემოებაც, რომ ტას "ლევერკუზენთან" მიმდინარე ხელშეკრულება 2025 წელს ეწურება და თუ მხარეები თანამშრომლობის გაგრძელებაზე ვერ შეთანხმდნენ, გერმანული კლუბი ცენტრალურ მცველს ზაფხულის სატრანსფერო ფანჯრის დასრულებამდე გაასხვისებს.
გერმანელი ჟურნალისტის ინფორმაციით, "ბარსელონასა" და ტას შორის მოლაპარაკებები უკვე მიმდინარეობს.
![ჯაკას გასროლა და გამარჯვების გოლი 101-ე წუთზე - "ლევერკუზენი" თავის სტილში იწყებს [VIDEO]](/pictures/image7/a301205808cf216d4393b02e1f3811d4.jpg "ჯაკას გასროლა და გამარჯვების გოლი 101-ე წუთზე - \"ლევერკუზენი\" თავის სტილში იწყებს [VIDEO]")
