ბრაზილიური "ფლუმინენსეს" სტადიონი დღეს სახელს ოფიციალურად შეიცვლის და კლუბის მცველის, მარსელოს საპატივცემულოდ Marcelo Vieira Stadium-ი დაერქმევა. მარსელო ამ გუნდის აღზრდილია, საიდანაც მადრიდის "რეალს" მიაშურა და იქ 15 წელი დაჰყო, მერე კი ერთი სეზონი პირეოსის "ოლიმპიაკოსში" ბურთაობდა, რის შემდეგაც მშობლიურ კლუბს დაუბრუნდა.
მიმდინარე სეზონში მან "ფლუმინენსეს" ფორმა 31 შეხვედრაში მოირგო, სადაც 3 გოლი გაიტანა და 2 შედეგიანი გადაცემა გააკეთა.
