30 წლის მცველს, გიორგი ჯიქიას, "სპარტაკმა" კონტრაქტი არ გაუგრძელა, კარგა ხანი უგუნდოდ იყო, რამდენიმე დღის წინ კი "ხიმკის" ფეხბურთელი გახდა. საფეხბურთო აგენტმა ვადიმ შპინევმა განმარტა, რატომ არ უფორმებენ საზღვარგარეთული კლუბები ხელშეკრულებას რუსეთის მოქალაქეობის მქონე ფეხბურთელებს.
"ევროპულ კლუბებს რუსი ფეხბურთელები სპეციალური სამხედრო ოპერაციის (უკრაინაში შეჭრას და ომს ასე უწოდებენ - რედ.) გამო არ სჭირდებათ. თქვენ რომ იცოდეთ, ამ ზაფხულს რამდენი ქვეყანა მოვიარე და საუკეთესო შემთხვევაში მოვისმინე ფრაზა: "კარგი, ჩვენ ვნახავთ". ესპანურ, გერმანულ და იტალიურ ჩემპიონატებს ჩვენ უბრალოდ არ ვჭირდებით. გამოდის ის,
რაც გამოდის.
ჯიქიას რუსული პასპორტი აქვს, ქართული კი რომ ჰქონდეს - ყველაფერი სრულიად სხვანაირად იქნებოდა. როგორც მინიმუმ, საემიროებში წავიდოდა. როგორც კი დაინახავენ, რომ ადამიანი რუსია, მაშინვე მეორეხარისხოვნად მიიჩნევენ. რუსული ტოპ-კლუბები ნიდერლანდელებს, გერმანელებს და იტალიელებს ყიდულობენ, თუმცა ახლა მთელი სამყარო ჩვენ წინააღმდეგაა! მათ შორის, ფეხბურთშიც. თქვენ წარმოგიდგენიათ, რამდენი ენერგია დავხარჯე მიშა პროკოპცის კომპანია Sila-სთან, რათა ბიჭები (ძმები მირანჩუკები) სამუშაოზე მომეწყო. მუდმივი კავშირი არსებობდა, ჩემთვის ყველაზე რთული სატრანსფერო ფანჯარა იყო", - ციტირებს შპინევს Metaratings-ი.
![alt](/pictures/image50/5ccbc3a705102783337c3cc86eb325a7.jpg ""ჯიქიას რომ ქართული პასპორტი ჰქონდეს - რუსს მეორეხარისხოვნად მიიჩნევენ" - საფეხბურთო აგენტი")
გიორგი ჯიქიას უგუნდობა დასრულდა
