"ბარსელონას" სპორტულმა დირექტორმა არიედო ბრაიდამ ჟურნალისტებთან ღიად ისაუბრა იმაზე, თუ ვის უგულშემატკივრებენ კატალონიელები ჩემპიონთა ლიგის მატჩში "ნაპოლისა" და "რეალს" შორის.ჩემპიონთა ლიგის 1/8-ფინალური საპასუხო დაპირისპირება ნეაპოლში 7 მარტს გაიმართება. "ნაპოლი" მადრიდში გამართულ პირველ მატჩში ანგარიშით 1:3 დამარცხდა.
"რეალთან" მეტოქეობის გამო ბარსელონაში ყველა "ნაპოლის" ვუქომაგებთ. ის კარგი გუნდია, რომელსაც ჰყავს ფეხბურთელები, გამარჯვება რომ შეუძლიათ. "ნაპოლის" კარგი შანსი აქვს სასურველი შედეგის მისაღწევად", - აქვეყნებს ბრაიდას ნათქვამს Football Italia.
