ზინედინ ზიდანი: ჩვენი იარაღით ნებისმიერ გუნდს დავამარცხებთ

მადრიდის "რეალის" მთავარმა მწვრთნელმა ზინედინ ზიდანმა "ატლეტიკოსთან" (3:0) ჩემპიონთა ლიგის ნახევარფინალური მატჩის შემდეგ კომენტარი გააკეთა.

"კარგი მატჩი ჩავატარეთ. სამი გოლის გატანა იოლი არ არის. ანგარიში გავხსენით და მეტოქეს ვაჯობეთ მომენტებში პირველ ტაიმში. კარგია, რომ სამი გოლი გავიტანეთ და ამავე დროს, არ გაგვიშვია.

ძალიან კარგად ვიცით, როგორი საჭიროა გოლები სხვის მოედანზე.

თამაშის მიმდინარეობა და ტაბლო გეტყვით, რა კარგად ვითამაშეთ, თუმცა წინ საპასუხო მატჩია.

უნდა ვიმუშაოთ და ვიბრძოლოთ ფინალისთვის. დარწმუნებული ვარ, რომ "ატლეტიკოს" მოედანზე იოლი არ იქნება.

კმაყოფილები ვართ და შეგვიძლია წარმატებით დავტკბეთ, მაგრამ წინ ჯერ კიდევ დიდი გზაა. არ მგონია, რომ ბიჭებს თავი უკვე ფინალში ეგონოთ.

კრიშტიანო ნამდვილი ბომბარდირია. ის უნიკალურია. ყველა მოთამაშე მოწოდების სიმაღლეზე იყო. ვიცოდით, რა უნდა გაგვეკეთებინა და ვითამაშეთ ისე, როგორც გვინდოდა. დღეს ისკო "ათიანს" თამაშობდა და დავალებას თავი შესანიშნავად გაართვა. ბრწყინვალედ ითამაშეს ასენსიომ და ლუკას ვასკესმაც, თუმცა არც დაცვაში გვითამაშია იმაზე ცუდად, რაც თავდასხმაში. თითოეული ფეხბურთელის მუშაობით კმაყოფილი ვარ.

ჯერ არაფერი მოგვიგია. გაიტანო სამი გოლი და არც ერთი გაუშვა ასეთ მეტოქესთან, ძალიან რთულია. ასე უნდა გავაგრძელოთ.

ჩვენი იარაღით ნებისმიერ გუნდს დავამარცხებთ.

ფეხბურთში არ არსებობს ასეთი ცნება, როგორიცაა "იოლი მატჩი". ფინალში გასასვლელად სტუმრად კარგად თამაში გვმართებს.

გამიმართლა, რომ ასეთი ფეხბურთელები მყავს გუნდში. ვცდილობთ, ჩვენი ფეხბურთი ვითამაშოთ და სიამოვნება მივიღოთ. ეს მუშაობს, რადგან შესანიშნავი ფეხბურთელები გვყავს, რომლებსაც საქმისადმი სწორი მიდგომა აქვთ", - თქვა ზიდანმა.

- ჩემპიონთა ლიგა. 1/2-ფინალი: სიმეონეს ეპოქა "ბერნაბეუზე" დაასრულეს [VIDEO]

მომზადებულია uefa.com-ის მიხედვით