ჩემპიონთა ლიგის მეორე საკვალიფიკაციო ეტაპზე"დაჩია"-"ზესტაფონის" საპასუხო მატჩის შემდეგ ჟურნალისტების წინაშე მასპინძელთა გუნდის მთავარი მწვრთნელი იგორ დობროვოლსკი წარსდგა. მანამდე მასმედიასთან ზესტაფონელთა თავკაცმა გია გეგუჩაძემ ისუაბრა, სადაც მან მეტოქეთა უხეშობასა და აგრესიაზე ისაუბრა. გეგუჩაძემ დობროვოლსკის მხრიდან ზესტაფონელთა ფეხბურთელზე ირაკლი ძარიაზე ხელის გარტყმაც ახსენა. "თუ ჩემმა კოლეგამ ის თქვა, რომ მე ფეხბურთელს ფიზიკური შეურაცხყოფა მივაყენე, ცუდი კოლეგა მყოლია. არავის შევხევივარ. ეგ კი არა, გეგუჩაძეს მივულოცე კიდეც შემტეგ ეტაპზე გასვლა. "ზესტაფონის" ფეხბურთელებისგან საშინელი აგრესია მოდიოდა. იმ იხალგაზრდა ბიჭს კი დიდ ფეხბურთში ჯერ არაფერი გაუკეთებია,
- გეგუჩაძის თქმით, მისი გუნდის ლამის ყველა ფეხბურთელი ტრავმირებულია...
- მათზე ვერაფერს გეტყვით. სამაგიეროდ მოგახსენებთ, რომ "დაჩიას" სამი ფეხბურთელი დაშავებულია და სამიდან ორი ცვლილება იძულებით, სწორედ ტრავმების გამო გავაკეთე.
შემდეგ ეტაპზე "ზესტაფონი" გავიდა, მაგრამ ევროტურნირებზე მეტს ვეღარაფერს გააკეთებს - თავის საჯდომზე მაღლა ვერ ახტება. არადა, არა მარტო დღეს, ორივე თამაშის მიხედვით, შემდეგ ეტაპზე გასვლას ჩვენ ვიმსახურებდით, მაგრამ ისე მოხდა, რომ წარმატებას უღირსმა გუნდმა მიაღწია...
მომზადებულია sports.md-ის მიხედვით
