ნიქოზიის აპოელ-ი საფეხბურთო ევროპის გაოცებას განაგრძობს. მხოლოდ 0:1 "სტად ჟერლანზე" და მეოთხედფინალში გასვლის მართლა რეალური შანსი " კვიპროსელები აპლოდისმენტებს იმსახურებენ. "ლიონი" მეტოქეს სჯობდა და ცოტა მეტი იღბლიანობა რემი გარდის გუნდს მეოთხედფინალის საგზურს პირველივე მატჩის შემდეგ გაუნაღდებდა, მაგრამ საქმე სწორედ ცოტაოდენ უიღბლობაშია. 1:0 კი ის ანგარიშია, რომელიც "ლიონის" ფეხბურთელებს საპასუხო მატჩის წინა ღამეს მშვიდად ვერ დააძინებს.
ერთადერთი გოლის ავტორი ლაკაზეტია, რომელმაც კრისის პასით 58-ე წუთზე იხეირა და მასვე კიდევ ორჯერ შეეძლო ქიოტისის კარის
რემი გარდი (ლიონის მწვრთნელი): "სამწუხაროდ, ერთზე მეტი გოლი ვერ გავიტანეთ და იმედია, ამას საპასუხო მატჩში არ ვინანებთ. ნიქოზიაში როლებს გავცვლით: მეტოქე იძულებული იქნება, შემოგვიტიოს, ჩვენ კი კონტრშეტევებზეც შეგვიძლია გოლების გატანა."
ივან იოვანოვიჩი (აპოელ-ის მწვრთნელი): "ჩემმა ბიჭებმა დღეს მაქსიმუმი გაიღეს და მაგრად იბრძოლეს " მადლობა მათ. წინ საპასუხო შეხვედრაა, რომელშიც კიდევ ერთხელ უნდა მოვიკრიბოთ ძალები და თავდაუზოგავად უნდა ვიბრძოლოთ. "ლიონი" ფავორიტია, მაგრამ ჩვენი შანსი იმაშია, რომ დასაკარგი არაფერი გვაქვს."
ყოველდღიური სპორტული გაზეთი "ლელო"
