17 ივლისს "ზესტაფონი" ჩემპიონთა ლიგის მეორე შესარჩევი რაუნდის სადებიუტო მატჩში სტუმრად ბაქოს "ნეფთჩის" დაუპირისპირდება. გიორგი ჭიაბრიშვილის შეგირდებს მეზობლებთან სერიოზული გამოცდა ელით. ინტერნეტსაიტ azerisport.com-თან აზერბაიჯანული საფეხბურთო კლუბის ბრაზილიელმა მცველმა ბრუნო ბერტუჩიმ "ზესტაფონთან" ჩემპიონთა ლიგაში მისთვის სადებიუტო მატჩზე ისაუბრა.
- მზად არის "ნეფთჩი" ქართულ "ზესტაფონთან" ჩემპიონთა ლიგის პირველი მატჩის სათამაშოდ?
- ძალიან ნაყოფიერად მოვემზადეთ. ბევრი სასარგებლო მატჩი ჩავატარეთ. ვფიქრობ, გუნდი 100 პროცენტით მზად არის.
- ჩვეულებრივ, აზერბაიჯანულ ფეხბურთში თავს იზღვევენ და ასპროცენტიან მაჩვენებელზე არ საუბრობენ. თქვენ რას იტყოდით ჩემპიონთა ლიგის მეორე შესარჩევ რაუნდში "ნეფთჩის"
- 100 პროცენტით დარწმუნებული ვარ, რომ შემდეგ რაუნდში გავალთ (იღიმის).
- რა იცით მეტოქის შესახებ?
- ვიცი, რომ ძლიერი გუნდია, რომელიც საქართველოს ჩემპიონი გახდა. ეს არის ყველაფერი, რისი ცოდნაც მჭირდება და მეტოქეს პატივს ვცემ. შევეცდებით, ჩვენი ფეხბურთი ვითამაშოთ.
- თქვენ გუნდის ერთ-ერთი წამყვანი მცველი ხართ. ყველასთვის ნათელია, რომ საშინაო მატჩებში მთავარი გოლის არგაშვებაა. მოახერხებთ ამას?
- დაცვა ყველაფერს გააკეთებს, რათა მეტოქეს გოლის გატანის საშუალება არ მისცეს. მჯერა კიდეც, რომ გოლს არ გავუშვებთ. იმედია, გატანასაც შევძლებთ.
ასევე იხილეთ:
გია ჭიაბრიშვილი: საქართველოს ჩემპიონს აზერბაიჯანის ჩემპიონთან მოგება მართებს
ბაქოს "ნეფთჩის" ჩემპიონთა ლიგის განაცხადი ცნობილია
ბაქოს "ნეფთჩის" მცველი: "ზესტაფონს" მინიმუმ ორი გოლი უნდა გავუტანოთ
"ზესტაფონი" შესაძლოა გლაზგოს "სელტიკს" ან ბელგიურ "ანდერლეხტს" დაუპირისპირდეს
