ტურინის "იუვენტუსის" გოლკიპერმა ჯანლუიჯი ბუფონმა ლონდონის "ჩელსისთან" ჩემპიონთა ლიგის მატჩის წინ ამ ტურნირში ტურინული გუნდის პერსპექტივებზე ისაუბრა."გასულ სეზონში იტალიის ჩემპიონატში ეპიკური გამარჯვება ვიზეიმეთ. ის, რომ "იუვენტუსი" ჩემპიონთა ლიგაში იტალიის ჩემპიონის კვალიფიკაციით მოხვდა, სიამაყის მიზეზს გვაძლევს და საკუთარი ძალების რწმენით გვავსებს.
ვფიქრობ, ევროპაში სამი-ოთხი გუნდია, რომელიც "იუვენტუსზე" ძლიერია, მაგრამ მხოლოდ ჩვენზეა დამოკიდებული, რამდენად კონკურენტუნარიანები ვიქნებით ჩემპიონთა ლიგაში.
"იუვენტუსის" სათამაშო სტილი ევროთასებისთვის შესაფერისია. შესაძლოა, "ჩელსის" მოთამაშეებს ამ ტურნირში თამაშის მეტი გამოცდილება ჰქონდეთ, მაგრამ ჩვენ შესანიშნავი პერსპექტივა გვაქვს", - განაცხადა ბუფონმა.
"ჩელსი"-"იუვენტუსის"
ასევე იხილეთ:
მთავარი ჯახი ლონდონშია - ჩელსი VS იუვენტუსი
