დონეცკის "შახტარის" ბრაზილიელი ფორვარდი ლუის ადრიანო საკუთარ კლუბს ჩემპიონთა ლიგის ბოლო ტურის მატჩში ვერ დაეხმარება, რადგან უეფამ მისი დასჯა გადაწყვიტა და ერთმატჩიანი დისკვალიფიკაცია გამოუწერა. დანიურ "ნორდსიელანდთან" გატანილი სკანდალური გოლის შემდეგ ევროპული ფეხბურთის მმართველმა ორგანომ გამოძიება წამოიწყო და 25 წლის ფორვარდი ქცევის ნორმების (უეფას სადისციპლინო კოდექსის მე-5 თავი) დარღვევაში დაადანაშაულა.
ბრაზილიელი ტურინის "იუვენტუსს" ვერ დაუპირისპირდება, თუმცა იმ შეხვედრას მისი გუნდისთვის პრინციპული მნიშვნელობა არც აქვს, რადგან დონეცკელები ჯგუფიდან უკვე გასულები არიან.
შეგახსენებთ, რომ "ნორდსიელანდთან" მატჩის 26-ე წუთზე, მაშინ, როდესაც ანგარიში 1:0 იყო
ამ ფაქტზე არანაკლებ სასირცხვილო იყო ის, რომ დონეცკელებმა თამაშის განახლების შემდეგ დანიელებს გოლი არ გაატანინეს. არადა, ჩანდა, რომ გუნდებმა ამაზე მოილაპარაკეს.
თამაშის დასრულებისთანავე "შახტარის" პრეზიდენტმა, რინატ ახმეტოვმა ადრიანოს საქციელს მიუღებელი უწოდა და პირობა დადო, რომ უეფას ყველანაირ სანქციას პროტესტის გარეშე მიიღებდა.
ყოველდღიური სპორტული გაზეთი "ლელო"
