მადრიდის "რეალის" მთავარმა მწვრთნელმა ჟოზე მოურინიომ ახსნა, თუ რატომ აირჩია ძირითად შემადგენლობაში "გალათასარაისთან" (3:0) ჩემპიონთა ლიგის მეოთხედინალურ მატჩში დიეგო ლოპესი და არა იკერ კასილიასი."დიეგო ლოპესმა ბოლო 70 დღეში 13 მატჩი უმაღლეს დონეზე ჩაატარა. კასილიასს ამ ხნის განმავლობაში ერთხელაც არ უთამაშია.
ამიტომ არ არსებობს ეჭვი, რომ ლოპესი უკეთეს ფორმაშია", - თქვა მოურინიომ.
შეგახსენებთ, რომ კასილიასმა ხელი 24 იანვარს "ვალენსიასთან" (1:1) ესპანეთის თასის მატჩში დაიშავა, რის შემდეგაც მოედანზე არ გასულა.
