"ბარსელონას" მეკარე ვიქტორ ვალდესისთვის მიუნხენის "ბაიერნთან" (0:3) ჩემპიონთა ლიგის ნახევარფინალის საპასუხო მატჩი აღნიშნულ ტურნირში ჩატარებული მე-100 შეხვედრა გამოდგა."კამპ ნოუზე" "ბაიერნთან" საპასუხო შეხვედრაში ვალდესი მე-17 ფეხბურთელი გახდა, ვისაც ჩემპიონთა ლიგაში 100 მატჩი აქვს ჩატარებული.
ვალდესის დებიუტი ჩემპიონთა ლიგაზე "ბარსელონას" მაისურით 2002 წლის 18 სექტემბერს, "ბრიუგესთან" (3:2) მატჩში შედგა.
ესპანელი მეკარე 2005/06, 2008/09 და 2010/11 წლების სეზონის "ბლაუგრანას" ძირითადი მეკარე იყო, როცა კატალონიელებმა ლიგა მოიგეს.
ვალდესამდე მიმდინარე სეზონში 100-მატჩიან ნიშნულს ლონდონის "ჩელსის" მცველმა ეშლი კოულმა ჯგუფური ეტაპის მე-6 ტურში "ნორდსიელანდთან" შეხვედრაში
გარდა ვალდესისა, "ბარსელონას" მხრიდან 100-მატჩიანი ნიშნული გადაცილებული აქვთ ჩავი ერნანდესს (130), კარლეს პუიოლს (114) და "ბლაუგრანას" ყოფილ ფორვარდ ტიერი ანრის (112).
სიაში კი მადრიდის "რეალის" ლეგენდა რაული ლიდერობს (142). პირველმა სწორედ რაულმა მიაღწია 100-მატჩიან ნიშნულს ჩემპიონთა ლიგაში. 2006 წლის 21 თებერვალს "არსენალთან" შეხვედრაში "სამეფო კლუბი" ანგარიშით 0:1 დამარცხდა.
"რეალიდან", რაულის გარდა, მსგავსი მიღწევა გაიმეორეს რობერტო კარლოსმა ("ლიონთან" მატჩში 2006 წლის 13 სექტემბერს) და დევიდ ბექჰემმა (2006 წლის ოქტომბერში).
მეოთხე კი მიუნხენის "ბაიერნის" მეკარე ოლივერ კანი გახდა (2006 წლის დეკემბერში), მეხუთემ ამ ზღვარს "მილანის" მცველმა პაოლო მალდინიმ მიაღწია (2007 წლის თებერვალში).
გთავაზობთ სრულ სიას:
ჩემპიონთა ლიგაში ჩატარებული მატჩები ჯგუფური ეტაპიდან ფინალამდე.
142 - რაულ გონსალესი (რეალი, შალკე)
134 - რაიან გიგზი (მანჩესტერ იუნაიტედი)
130 - ჩავი ერნანდესი (ბარსელონა)
127 - იკერ კასილიასი (რეალი)
125 - კლარენს ზეედორფი (აიაქსი, რეალი, მილანი)
124 - პოლ სქოულზი (მანჩესტერ იუნაიტედი)
120 - რობერტო კარლოსი (რეალი, ფენერბაჰჩე)
114 - კარლეს პუიოლი (ბარსელონა)
112 - ტიერი ანრი (მონაკო, არსენალი, ბარსელონა)
109 - პაოლო მალდინი (მილანი)
109 - გარი ნევილი (მანჩესტერ იუნაიტედი)
107 - დევიდ ბექჰემი (მანჩესტერ იუნაიტედი, რეალი, მილანი, პსჟ)
103 - ოლივერ კანი (ბაიერნი)
103 - ლუიშ ფიგუ (ბარსელონა, რეალი, ინტერი)
100 - ეშლი კოული (არსენალი, ჩელსი)
100 - ანდრეი შევჩენკო (დინამო კიევი, მილანი, ჩელსი)
100 - ვიქტორ ვალდესი (ბარსელონა)
99 - ალესანდრო ნესტა (ლაციო, მილანი)
98 - ედვინ ვან დერ სარი (აიაქსი, იუვენტუსი, მანჩესტერ იუნაიტედი)
97 - გუტი (რეალი)
97 - ხავიერ ძანეტი (ინტერი)
მომზადებულია uefa.com-ის მიხედვით
