"შალკეს" მეკარე ტიმო ჰილდებრანდი "ჩელსისთან" გუშინწინდელ მატჩს სიამოვნებით დაივიწყებდა, მაგრამ, მისდა საუბედუროდ, ეს შეუძლებელია. 34 წლის გოლკიპერმა 31-ე წუთზე ბურთის მოგერიება გააჭიანურა, იქვე კი "ჩელსის" ფორვარდი სამუელ ეტო’ო გახლდათ ჩასაფრებული, რომელმაც ჰილდებრანდის დარტყმულს ფეხი დაუხვედრა, რის შემდეგაც ბურთი "შალკეს" კარში აღმოჩნდა. ანგარიში ასე გაიხსნა, მერე კი "ჩელსიმ" "შალკეს" კიდევ ორი გოლი გაუტანა."ძალიან ვწუხვარ, რომ ასე მოხდა. ვინ იცის, რომ არა ეს გოლი, შეიძლება არც წაგვეგო. უდიდეს პასუხისმგებლობას ვგრძნობ და ვხვდები, რომ წაგება დიდწილად ჩემი ბრალია. 34 წლის ვარ, ასეთი
ტიმო კი იმედოვნებს, რომ ეს მის კარიერაში პირველი და უკანასკნელი შემთხვევა იყო, მაგრამ მთავარი ისაა, ენდობა თუ არა მას "შალკეს" თავკაცი იენს კელერი მომდევნო შეხვედრებშიც. ერთი შეცდომის გამო ასე მკაცრად არავის სჯიან, მაგრამ ჰილდებრანდის საქმეს ის ფაქტი ართულებს, რომ "შალკეში" ისედაც იყო დისკუსია მეკარის საკითხზე, რომელიც ახლახან მიწყნარდა.
ასე რომ, დიდი შანსია, ბუნდესლიგის მომდევნო ტურში გელზენკირხენული კლუბის კარში ტიმოს შემცვლელი, 25 წლის რალფ ფერმანი ვიხილოთ. "ბილდის" მიერ ჩატარებულ გამოკითხვაში "შალკეს" ფანების უმრავლესობა ჰილდებრანდის ფერმანით შეცვლას ითხოვს...
იხილეთ ვიდეო
ყოველდღიური სპორტული გაზეთი "ლელო"
ასევე იხილეთ:
ჩემპიონთა ლიგა. IV ტური. E ჯგუფი: "შალკესთვის" ჯერ ადრეა [VIDEO]
![სერია A. XXVI ტური: სამუელ ეტოოს პირველი გოლი გენუაში [VIDEO]](/pictures/image7/2c577e6528129bc93f36c30fd776c8c7.jpg "სერია A. XXVI ტური: სამუელ ეტოოს პირველი გოლი გენუაში [VIDEO]")
