მადრიდის "რეალის" პორტუგალიელმა ფეხბურთელმა კრიშტიანო რონალდომ განაცხადა, რომ იცის, რატომ გაუთამაშა "ბარსელონას" ფეხბურთელმა ლიონელ მესიმ პენალტი ლუის სუარესს."ვიცი, რატომ გააკეთა ეს მესიმ, მაგრამ არ ვიტყვი. რაც გინდათ, ის იფიქრეთ", - ციტირებს რონალდოს სიტყვებს ესპანური გამოცემა Marca.
"რომასთან" ჩემპიონთა ლიგის 1/8-ფინალურ მატჩამდე გამართულ პრესკონფერენციაზე ჟურნალისტებმა აღნიშნეს, რომ რონალდო-ბენზემა-ბეილის ტრიოს ერთმანეთში არც ისეთი კარგი ურთიერთობა აქვს.
"მანჩესტერ იუნაიტედთან" ერთად ჩემპიონთა ლიგა მოვიგე, მაგრამ ფერდინანდთან, გიგზთან და სქოულზთან ახლო ურთიერთობა არ მქონია. ჩვენ ერთმანეთს ვესალმებოდით და მუშაობას ვიწყებდით. ჩვენ გუნდის ინტერესებს ვიცავდით.
შეგახსენებთ, რომ "სელტასთან" ლა ლიგის მატჩში "ბარსელონას" ფორვარდმა ლიონელ მესიმ პენალტი ლუის სუარესთან გაათამაშა და ურუგვაელმა საბოლოოდ გოლი გაიტანა. სუარესმა იმ მატჩში ჰეთ თრიქი შეასრულა.
"რომასა" და მადრიდის "რეალს" შორის ჩემპიონთა ლიგის 1/8-ფინალური მატჩი იტალიაში დღეს გაიმართება. შეხვედრა ჩვენი დროით 23:45 საათზე დაიწყება.
