ტურინის "იუვენტუსის" მთავარმა მწვრთნელმა მასიმილიანო ალეგრიმ მიუნხენის "ბაიერნთან" (2:4) ჩემპიონთა ლიგის მერვედფინალის საპასუხო მატჩის შემდეგ კომენტარი გააკეთა."მინდა მადლობა გადავუხადო ჩემს გუნდს. ეს იყო სერიოზული გამოცდა და 65 წუთი კარგად ვთამაშობდით, მომენტებს ვქმნიდით, მაგრამ ბოლოსკენ ძალიან ცუდი შეცდომა დავუშვით, უკეთ უნდა გვეთამაშა. ეს ფეხბურთია, მაგრამ ცოტა დამწუხრებული ვარ.
2:0-ს ვიგებდით და მესამე გოლის გატანაც შეგვეძლო. ლევანდოვსკის გოლამდე "ბაიერნს" მომენტი თითქმის არ ჰქონია. ცოტაც და შეხვედრა ჩვენ სასარგებლოდ, ანგარიშით 2:1 დასრულდებოდა. გვქონდა შანსი, ინტრიგა მოგვეკლა, მაგრამ ის არ გამოვიყენეთ.
კმაყოფილი ვარ
არავის ეგონა, რომ "ბაიერნთან" ასე ვითამაშებდით მიუნხენში. ჩვენ დავთმეთ შეხვედრა, მაგრამ შეგვიძლია ჩვენი თამაშით ვიამაყოთ.
ახლა ყურადღებას იტალიის ჩემპიონატზე გადავიტანთ და ჩემპიონთა ლიგის მომდევნო გათამაშებას დაველოდებით", - თქვა ალეგრიმ უეფას ოფიციალურ ვებგვერდთან საუბარში.
- ბაიერნი-იუვენტუსი 4:2 - დრამა "ალიანც არენაზე" [VIDEO]
