"ბარსელონას" ფორვარდმა ლიონელ მესიმ მადრიდის "ატლეტიკოსთან" სეზონის ერთ-ერთი ყველაზე ცუდი მატჩი ჩაატარა.არგენტინელ თავდამსხმელს უკვე ზედიზედ მეხუთე თამაშია გოლი ვერ გააქვს.
აღსანიშნავია, რომ ეს მესის ყველაზე ცუდი უგოლო სერიაა ბოლო 6 წლის განმავლობაში.
გარდა ამისა მესის "ატლეტიკოსთან" ჩემპიონთა ლიგის საპასუხო მეოთხედფინალურ მატჩში კარში ერთხელაც არ დაურტყამს, რაც 2014 წლის აპრილის შემდეგ არ მომხდარა.
შეგახსენებთ, რომ "ბარსელონა" საპასუხო შეხვედრაში "ატლეტიკოსთან" ანგარიშით 0:2 დამარცხდა და შემდეგ ეტაპზე გასვლა ვერ მოახერხა. პირველი მატჩი ბარსელონელებმა ანგარიშით 2:1 მოიგეს.
- ატლეტიკო-ბარსელონა 2:0 - ნოკაუტი სიმეონესგან
მომზადებულია Sky Sports-ის მიხედვით
