ჩემპიონთა ლიგა. III ტურის ფაქტები და ციფრები: ვინ იქნება პირველი ასიანთა კლუბში

ვინ გაიტანს ჩემპიონთა ლიგაზე პირველად 100 გოლს? სეზონის წინ ლიონელ მესი კრიშტიანო რონალდოს 10 გოლით ჩამორჩებოდა, მაგრამ ახლა მათ შორის სხვაობა უკვე ექვსი გოლია...

ეს ლიგის ერთ-ერთი ყველაზე საინტერესო დუელია. კრიშტიანო რონალდომ და ლიონელ მესიმ დიდი ხანია, რაც რაულ გონსალეს ბლანკოს რეკორდი დაამხეს. 2014/15 წლების სეზონი მათ 77-77 გოლით დაასრულეს. მაგრამ გასულ სეზონში რონალდომ 16 გოლი გაიტანა (მორიგი რეკორდი დაამყარა) და არგენტინელს სერიოზულად გაუსწრო.

კრიშტიანომ ამ შემოდგომით ჯერ მხოლოდ ორი გოლი გაიტანა, ასე რომ, ახლა ანგარიში 95:89 გახლავთ მის სასარგებლოდ. პორტუგალიელს 100 გოლამდე ხუთი აკლია, ხოლო არგენტინელს - 11. აქვე ვიტყვით, რომ ჯამში ევროთასებზე რონალდოს 98 გოლი აქვს გატანილი, მესის - 92.

* კრიშტიანო რონალდოს 2 ან მეტი გოლი 25 შემთხვევაში აქვს გატანილი.

* მესი რონალდოს ჰეთ თრიკებში 7:5-ს უგებს.

* მადრიდის "რეალი" ერთადერთი გუნდია, რომელსაც ჩემპიონთა ლიგაზე ლიონელ მესიზე მეტი ჰეთ თრიკი აქვს შესრულებული. "სამეფო გუნდის" ფეხბურთელებმა ამ ტურნირზე 9 ჰეთ თრიკი შეასრულეს, ლეომ - 7.

* მესი ახლა საშინაო მატჩებში გატანილი გოლების რაოდენობით ჩემპიონთა ლიგის საუკეთესო ბომბარდირია 50 ბურთით.

* ლიონელ მესის ინგლისური გუნდების წინააღმდეგ ჩატარებულ უკანასკნელ 13 მატჩში ამდენივე გოლი აქვს გატანილი. "ბარსას" ლიგაზე ინგლისურ გუნდებთან საშინაო მატჩი მხოლოდ ერთხელ აქვს წაგებული - 2007 წელს "ლივერპულთან".

* იმ მატჩებში, რომლებშიც მესიმ გოლი გაიტანა, "ბარსამ" მხოლოდ ორჯერ წააგო.

* ლიონელ მესი გახდა პირველი ფეხბურთელი რუუდ ვან ნისტელროის შემდეგ (2006 წლის სექტემბერი), რომელმაც ჩემპიონთა ლიგის ერთ მატჩში ორ სხვადასხვა მეკარეს გაუტანა გოლი.

* ლუის ადრიანოს მერე, მესი მეორე მოთამაშეა, რომელმაც ჩემპიონთა ლიგის ზედიზედ ორ მატჩში შეასრულა ჰეთ თრიკი.

* იანიკ ფერეირა-კარასკომ "ატლეტიკოს" მაისურით ჩატარებულ ბოლო 4 მატჩში 5 გოლი გაიტანა ანუ იმდენივე, რამდენიც წინა 50 შეხვედრაში.

* "ბარსელონას" ჩემპიონთა ლიგის ჯგუფურ ეტაპზე ზედიზედ 21 მატჩში აქვს გოლი გატანილი, რაც ამ ტურნირზე კატალონიელთა საუკეთესო სერიაა.

* მესიმ ჩემპიონთა ლიგაზე ჩატარებულ უკანასკნელ 8 შეხვედრაში 10 ბურთი შეაგდო.

* ანდრეს ინიესტამ "ბარსელონას" რიგებში 117-ე მატჩი ჩაატარა ჩემპიონთა ლიგაზე. მეტი მხოლოდ ჩავი ერნანდესს აქვს - 151.

* "ბარსელონას" მეტოქეზე ნაკლები ბურთის ფლობის პროცენტული მაჩვენებელი ჩემპიონთა ლიგის უკანასკნელი 111 მატჩიდან მხოლოდ 2-ში ჰქონდა და ორივეჯერ პეპ გვარდიოლას "ბაიერნთან".

* ფილიპ ლამმა "ბაიერნის" მაისურით ჩემპიონთა ლიგაზე თავისი მე-100 მატჩი ჩაატარა. ამ მხრივ საუკეთესოდ ჯერჯერობით, ოლივერ კანი რჩება (103).

* 2013/2014 წლების სეზონიდან მოყოლებული აქამდე მადრიდის "ატლეტიკომ" ჩემპიონთა ლიგაზე კარი მშრალად 23-ჯერ შეინახა, რითაც დიეგო სიმეონეს გუნდი ყველა სხვა კლუბს ჯობნის.

* "ბარსა" ჩემპიონთა ლიგის ჯგუფურ ეტაპზე 20 მატჩია წაუგებელია -18 მოგება, 2 ფრე.

* "ლუდოგორეცთან" შეხვედრა არსენ ვენგერისთვის მე-100 გახლდათ ევროტურნირებზე "არსენალის" თავკაცის რანგში.

* მესუთ იოზილი გახდა "მეთოფეების" მე-5 მოთამაშე, რომელმაც ევროპის ყველაზე პრესტიჟულ საკლუბო ტურნირზე ჰეთ თრიკი შეასრულა. იქამდე ეს მოახერხეს - ტიერი ანრიმ, ნიკლას ბენდტნერმა, დენი უელბეკმა და ოლივიე ჟირუმ. გერმანელმა კი "ლუდოგორეცთან" 3 გოლის გატანის გარდა, საგოლე პასიც გაახერხა.

* "მანჩესტერ სიტი" "ბარსელონას" ჩემპიონთა ლიგაზე 5-ჯერ შეხვდა და ხუთჯერვე დამარცხდა. აქედან 4 შეხვედრაში "ქალაქელებს" ფეხბურთელი გაუძევეს.

* 2000 წლის მერე, "არსენალის" მაისურით ჩემპიონთა ლიგის შეხვედრაში ორმა ინგლისელმა ფეხბურთელმა (უოლკოტი, ოქსლეიდ-ჩემბერლენი) პირველად გაიტანეს. მაშინ ეს ლი დიქსონმა და რეი პარლოომ შეძლეს.

* ალექს ოქსლეიდ-ჩემბერლენმა ლიგის მატჩში პირველად მოახერხა გატანაც და საგოლე პასის გაკეთებაც.

* თეო უოლკოტმა "მეთოფეების" ბოლო 4 საშინაო შეხვედრაში 6 გოლი გაიტანა ანუ იმდენივე, რამდენიც წინა 24-ში.

* რობერტ ლევანდოვკის ჩემპიონთა ლიგაზე უკვე 34 გოლი უგროვდება, მან ამ ტურნირზე 55-ე მატჩი ჩაატარა. ამაზე ცოტა მატჩი ამდენი ბურთის დასაგროვებლად მხოლოდ მესის (54) და ვან ნისტელროის (39) დასჭირდათ.

* "ნაპოლიმ" ჩემპიონთა ლიგაზე საშინაო მატჩი პირველად წააგო. "ბეშიქთაშმა" კი ტურნირზე 2009 წლის მერე პირველად მოახერხა გამარჯვების მოპოვება.

ყოველდღიური სპორტული გაზეთი "ლელო"