"სიონმა" უეფას მიერ მისი ევროპის ლიგიდან გარიცხვის გადაწყვეტილება გაასაჩივრა და საქმე მოიგო. ახლა უეფას მოუწევს "სიონი" უკვე დაწყებულ ევროპის ლიგის ჯგუფურ ეტაპზე რამენაირად დააბრუნოს ან სასამართლოს გადაწყვეტილების შეუსრულებლობის ყოველ დღეს შვეიცარიულ კლუბს 814 ევრო გადაუხადოს.ამას გარდა, უეფამ "სიონს" 33 ათასი ფრანკის ზარალი უნდა აუნაზღაუროს.
შვეიცარიელები ევროპის ლიგის პლეი ოფის ბოლო რაუნდის მატჩში "შელტიკთან" თამაშის უფლების არმქონე ფეხბურთელები გამოიყვანეს. "სიონმა" ორი მატჩის ჯამში 3:1 მოიგო, მაგრამ მოგვიანებით უეფამ გუნდი ამ დარღვევისთვის ჯგუფური ეტაპის მონაწილეთა სიიდან გარიცხა.
