რაც ეს ტურნირი ევროპალიგად გადაკეთდა, ჰოლანდიურ "ამსტერდამ არენაზე" მეოთხე ფინალი გაიმართება. იქ ჩვენ ლონდონის "ჩელსის" და ლისაბონის "ბენფიკას" ვიხილავთ. საპასუხო ნახევარფინალურ მატჩებში მასპინძლებმა იძალეს და ფინალის საგზურები დაიბევეს.
მაშ ასე, ფინალში ერთმანეთს ესპანელი რაფა ბენიტესის და პორტუგალიელი ჟორჟე ჟეზუსის გუნდები შეერკინებიან...
ლონდონელებს პირველი მატჩი შვეიცარიაში მოგებული ჰქონდათ (2:1). ამიტომ საპასუხო მატჩის წინ აშკარა ფავორიტები იყვნენ, თუმცა ტაიმის მიწურულს ანგარიში სტუმრებმა გახსნეს. შტოკერმა უბრალოდ ბრწყინვალე პასი გადააწოდა სალაჰს და ეგვიპტელმაც ჩაუქროლა ივანოვიჩს, მეკარესთან პირისპირ გავიდა და გაიტანა.
ევროსარბიელზე ფერნანდო ტორესი ბრწყინვალედ
ვინ, თუ არა დავიდ ლუისი?! სწორედ ბრაზილიელმა უნივერსალმა დაუსვა მატჩს წერტილი: ლემპარდის პასი შეირგო და საჯარიმოს გარედან "ცხრიანში" გაიტანა - 3:1. ორი მატჩის ჯამში - 5:2 და ლონდონელები ფინალში არიან.
* * *
ლისაბონშიც ანალოგიური ანგარიში ვიხილეთ, თუმცა ლონდონისგან განსხვავებით, იქ ბოლო წუთამდე ყველაფერი გაურკვეველი იყო, რადგან თურქულ "ფენერბაჰჩეს" შინ 1:0 ჰქონდა მოგებული.
ანგარიში მე-9 წუთზე არგენტინელმა ნიკოლას გაიტანმა გახსნა, რომელიც ბრწყინვალედ უგებს მოედანზე ბრაზილიელ ლიმას. ამ ორის კომბინაციამ ამჯერადაც მოუტანა "არწივებს" დადებითი შედეგი.
ამას მოჰყვა პენალტი და დირკ კუიტის გოლი მასპინძელთა კარში.
ახლა მათ 2 გოლი სჭირდებოდათ და გაიტანეს კიდევაც - დუბლი შეასრულა პარაგვაელმა ოსკარ კარდოსომ - "ბენფიკა" ფინალშია.
ევროპალიგა. 1/2-ფინალი. საპასუხო მატჩები
ჩელსი-ბაზელი 3:1 (2:1)
გოლები: 0:1 სალაჰი (45), 1:1 ტორესი (50), 2:1 მოზესი (52), 3:1 დ. ლუისი (59)
ჩელსი (4-2-3-1): ჩეხი - ასპილიკუეტა, ივანოვიჩი, კეჰილი, ბერტრანდი - ლემპარდი, დ. ლუისი (82. აკე) - რამირესი (66. ოსკარი), აზარი (75. მატა), მოზესი - ტორესი.
ბაზელი (4-1-2-3): ზომერი - შტაინჰოფერი, შარი, საურო, ვოზერი - ფ. ფრაი (75. დიასი) - ელ ელნენი, დიე - სალაჰი, შტრელერი (62. ზუა დაოგარი), შტოკერი (62. დეგენი).
გაფრთხილება: ასპილიკუეტა - შარი, შტაინჰოფერი, დიე
კუთხური: 7-4; ჯარიმა: 7-13; თამაშგარე: 2-2; კარში დარტყმა: 17-16 (13-6); ბურთის ფლობა: 53%-47%.
მაყურებელი: 39 403
იხილეთ ვიდეო
ბენფიკა-ფენერბაჰჩე 3:1 (0:1)
გოლები: 1:0 გაიტანი (9), 1:1 კუიტი (23-პენ), 2:1 კარდოსო (35), 3:1 კარდოსო (66)
ბენფიკა (4-3-3): არტური - მ. პერეირა, ლუიზაო, გარაი, ალმეიდა - პერესი, მატიჩი, გაიტანი (92. როდერიკი) - ლიმა, კარდოსო (87. ურეტა), სალვიო.
ფენერბაჰჩე (4-3-3): დემირელი - გიონული (61. ბექირი), იობო (75. სტოხი), კორკმაზი, ციგლერი - შაჰინი (44. თოფუზი), ბარონი, ერკინი - კუიტი, სოუ, უჩანი.
გაფრთხილება: პერეირა, პერესი - ბარონი, ერკინი
კუთხური: 3-1; ჯარიმა: 10-22; თამაშგარე: 1-2; კარში დარტყმა: 13-9 (7-4); ბურთის ფლობა: 69%-31%.
მაყურებელი: 55 402
იხილეთ ვიდეო
იხილეთ ფოტოგალერეა
15 მაისი.
ფინალი. "ამსტერდამ არენა"
ბენფიკა-ჩელსი
ყოველდღიური სპორტული გაზეთი "ლელო"
ასევე იხილეთ:
ევროპალიგა. 1/2-ფინალი. I მატჩები: "ჩელსი" თითქმის ფინალშია [VIDEO]
