დღეს, 5 ივლისს, საქართველოს 19 წლამდე ფეხბურთელთა ნაკრები ევროპის ჩემპიონატის A ჯგუფში II ტურის შეხვედრას შვედეთის თანატოლთა გუნდთან ჩაატარებს. მატჩი თბილისში, მიხეილ მესხის სახელობის სტადიონზე 17:30 სთ-ზე დაიწყება და მის პირდაპირ ტელეტრანსლაციას "პირველი არხი" წარმოადგენს. - U19. საქართველო VS შვედეთი - არ დაიზაროთ!..
4 ივლისს გიორგი ყიფიანის გუნდმა თბილისის ზღვაზე მდებარე "ზესტაფონის" ბაზაზე ივარჯიშა. ვარჯიშამდე კომენტარი გუნდის მთავარმა მწვრთნელმა გიორგი ყიფიანმა გააკეთა.
"ვცდილობთ, რომ ფეხბურთელებმა ძალების აღდგენა მოახერხონ. საამისოდ, მათ სხვადასხვა სახის პროცედურა უტარდებათ და ყველანაირი პირობა გააჩნიათ, მჭიდრო გრაფიკში
კარგად ვაცნობიერებთ, რომ შვედებთან შეხვედრა გადამწყვეტია. ფეხბურთელები ისეთივე საბრძოლო განწყობით იქნებიან, როგორც პორტუგალიასთან, ჯგუფიდან რომ გავიდეთ.
კარგია, რომ ტრავმირებული ფეხბურთელები მომჯობინდნენ და ფიზიკურად და მორალურად სრულ მზადყოფნაში ვართ, მოედანზე რომ გავიდეთ და მოვიგოთ", - ამბობს ყიფიანი.
![საქართველოს 19-წლამდელთა ნაკრებმა ლიეტუვა დაამარცხა [VIDEO]](/pictures/image7/e298fae04c08659f43d27d52505f0618.jpg "საქართველოს 19-წლამდელთა ნაკრებმა ლიეტუვა დაამარცხა [VIDEO]")
![19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]](/pictures/image7/f8e0bc2725c6ff98f1e7c80d1e2f0b7e.jpg "19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]")
