საქართველოს ახალგაზრდულმა ნაკრებმა ავსტრიის ოთხთა ტურნირზე ბოლო ტურში რუმინეთთანაც წააგო - 1:2. 32-ე წუთზე ანგარიში “ვიტესის” 17 წლის ფორვარდმა გიორგი ჭანტურიამ გახსნა, მაგრამ დასანანია, რომ ოთარ გაბელიას შეგირდებმა კაცნაკლულ მეტოქესთან უპირატესობის შენარჩუნება ვერ შეძლეს. რუმინელებს 72-ე წუთზე მოთამაშე გაუძევეს და სწორედ ამის შემდეგ მოახერხეს გატანა: 74-ე წუთზე ანგარიში გაათანაბრეს, 85-ეზე კი გადამწყვეტი ბურთი შეაგდეს.
მატჩი სრული შემადგენლობით ვერც ჩვენებმა დაასრულეს, რადგან 89-ე წუთზე ლევან კაკუბავა გააძევეს. შეგახსენებთ, რომ პირველ მატჩში მოედანი დავით ხოჭოლავას დაატოვებინეს.
ამრიგად, სამი მატჩიდან სამი წაგება და
1 რუმინეთი 3 2 1 0 5-2 7
2 ისრაელი 3 1 2 0 4-2 5
3 ალბანეთი 3 1 1 1 4-4 4
4 საქართველო 3 0 0 3 2-7 0
ანუ, მატჩი საეჭვოდ დამთავრდა და გამოძიება მიმდინარეობსო ...