საქართველოს 17-წლამდელთა ნაკრებმა მინსკის საერთაშორისო ტურნირი მარცხით დაიწყო - გიორგი დევდარიანის გუნდმა ბელგიასთან 2:3 წააგო. საქართველოს ნაკრები ორჯერ იყო დაწინაურებული, მაგრამ, სამწუხაროდ, უპირატესობის შენარჩუნება ვერ შეძლო.
სფფ-ის ვებგვერდის ცნობით, თვალშისაცემი იყო არაობიექტური მსაჯობა - საქართველოს ნაკრების კარში პენალტი მეტად საეჭვო ვითარებაში დაინიშნა და ბელგიელთა მეორე გოლიც ბადებს ეჭვებს - სავარაუდოდ, ხარიხიდან ასხლეტილ ბურთს კარის ხაზი არ გადაუკვეთავს.
საქართველო-ბელგია 2:3
გოლები: 1:0 კერძევაძე (6), 1:1 ბაკალი (28. პენ), 2:1 თევზაძე (50), 2:2 კანეპეელი (53), 2:3 კანეპეელი (68)
საქართველო: გოშაძე, ველიაშვილი, მალანია,
მწვრთნელი: გ. დევდარიანი
ბელგია: დე ბული, მარიენი (58. მატეისი), ბოსარტსი, ისკი, ბრუვერსი, ალესანდრო, კანეპეელი, ბურარი, ბაკალი (80. ნოტებუმი), დე ვალე (58. ვანდერუტი), დე მენი (58. კარლონე)
მწვრთნელი: ბ. ბროვაისი
გაფრთხილება: მარგველაშვილი, მალანია, ბაკალი, მატეისი, ველიაშვილი
გაძევება: ველიაშვილი (79)
* * *
ტურნირის პირველ დღეს სხვა შეხვედრები ასეთი ანგარიშებით დასრულდა:
ბელორუსი-ლიტვა 3:0
უკრაინა-მოლდოვა 6:0
რუსეთი-ლატვია 5:1
* * *
22 იანვარს, თბილისის დროით 19 საათზე, მასპინძელი ბელორუსისა და საქართველოს ნაკრების მატჩი დაიწყება. ჩვენს გუნდს ჯერ კიდევ აქვს დარჩენილი ფინალში გასვლის თეორიული შანსი.
ყოველდღიური სპორტული გაზეთი "ლელო"
