ქართველი 19-წლამდელები ფრანგებს უგოლოდ დაშორდნენ [VIDEO]

20 ივლისს, საქართველოს 19-წლამდელთა ნაკრებმა ევროპის ჩემპიონატის B ჯგუფში პირველი მატჩი ფრანგ თანატოლებთან გამართა და ფრეს დასჯერდა - 0:0.

მიუხედავად იმისა, რომ მცირე სათამაშო და ტერიტორიულ უპირატესობას ფრანგები ფლობდნენ, დამაჯერებლად თამაშობდა მეკარე გაბრიელ თებიძე და საერთოდაც, გია ცეცაძის შეგირდებმა მთლიანობაში მატჩი მაღალ დონეზე ჩაატარეს.

ეგ კი არა, მატჩის მიწურულს შეცვლაზე შემოსულ ნიკა კაჭარავას ცოტა რომ გამართლებოდა, ქართველი 19-წლამდელები გამარჯვებასაც შეძლებდნენ. მახვილი კუთხიდან ნიკას დარტყმული მეკარემ კარგად ვერ მოიგერია და ბურთი ზედ კარის ხაზთან გაჩერდა...



ჩვენს ჯგუფის მეორე შეხვედრაში სერბეთის 19-წლამდელთა ნაკრებმა თურქი თანატოლების დამარცხება შეძლო - 2:1.

ამრიგად, B ჯგუფს სამი ქულით სერბები ლიდერობენ, თითო ქულით მეორე-მესამე ადგილებს საქართველოს და საფრანგეთის 19-წლამდელთა ნაკრებები იყოფენ, ბოლო ადგილზე კი თურქები არიან.

20 ივლისი, 2013. 19-წლამდელთა ევროპის ჩემპიონატი. B ჯგუფი. ალიტუსის სტადიონი
საქართველო-საფრანგეთი  0:0
გაფრთხილება: იუნუ, ფანცულაია, არაბული, ცნობილაძე, გბამინი
მსაჯი: ემირ ალესკოვიჩი (ბოსნია)

საქართველო: თებიძე, მთივლიშვილი, ნ.ჭანტურია, სანდოხაძე, დვალი, ცნობილაძე, ენდელაძე, მარკოზაშვილი (კაჭარავა 77), არაბული (კაპ), ფანცულაია, ზივზივაძე (ზარანდია 64)
მთ.მწვრთნელი - გია ცეცაძე

საფრანგეთი: ბენარდო, იკოკო, მენდი, კონტე, როდრიგესი (გბამინი 80), იუნუ, ბენზია, ნანჟი, რაბიო, ლაპორტი, მარტიალი (ნგუეტი 66)
მთ.მწვრთნელი - ფრანსის სმერეცკი

B ჯგუფი
ა გ თ მ ფ წ ბ ქ
სერებთი 1 1 0 0 2-1 3
საფრანგეთი 1 0 1 0 0-0 1
საქართველო 1 0 1 0 0-0 1
თურქეთი 1 0 0 1 1-2 0

ცხრილი uefa.com-ის მიხედვით

მომდევნო მატჩს გია ცეცაძის შეგირდები ლიტვაში 23 ივლისს, სწორედ ჯგუფის ლიდერებთან გამართავენ.