გაბელიას ხელმძღვანელობით ჩვენმა ახალგაზრდულმა ნაკრებმა ევროჩემპიონატის შესარჩევ ციკლში მესამე ადგილი დაიკავა. ფედერაციამ მთავარი მწვრთნელის საქმიანობა წარმატებულად შეაფასა შესაბამისი წინადადებაც დაურთო.
- გავიგეთ, რომ ახალგაზრდულ ნაკრებს კვლავ თქვენ გაწვრთნით.
- ჯერ კონტრაქტზე ხელი არ მომიწერია.
- თუმცა საკითხი ფაქტობრივად გადაწყვეტილია.
- შეთანხმება მართლაც არსებობს. ფეხბურთის ფედერაციის ხელმძღვანელებს სურთ, რომ მუშაობა გავაგრძელო.
- შესარჩევ ციკლში მესამე ადგილს წარმატებად მიიჩნევთ?
- შესარჩევი
- ახლა, ფაქტობრივად, ახალი გუნდის ჩამოყალიბება მოგიწევთ, წინა ციკლის ლიდერთა უმრავლესობას ვეღარ გამოიყენებთ.
- რამდენიმე ფეხბურთელი მაინც გვეყოლება და უიმედოდ არ ვარ. იგივე ოქრიაშვილი, კვეკვესკირი და სხვები.
- საკონტროლო შეხვედრები ხომ არ დაგიგეგმავთ?
- 3 თებერვლის კენჭისყრას დაველოდებით, მეტოქეების ვინაობას გავიგებთ და ამხანაგურ მატჩებს ამის მიხედვით დავგეგმავთ. არ მინდა, თამაში თანაჯგუფელთან დავგეგმოთ და მერე ახალი მეტოქის მოძებნა დაგვჭირდეს. თუმცა გარკვეული მონახაზი უკვე გვაქვს.
- ახალი ციკლიდან ეროვნული და ახალგაზრდული ნაკრებები კვლავ ერთი და იმავე მოწინააღმდეგესთან ითამაშებენ.
- დიახ, უეფამ ძველი ფორმატი აღადგინა და შესარჩევ ჯგუფებში ეროვნულ და ახალგაზრდულ ნაკრებებს ერთი და იმავე ქვეყნების გუნდები დაუპირისპირდებიან.
- ზუგდიდის "ბაიაში" დარჩებით?
- ჯერ იქ არაფერია გადაწყვეტილი.
- ისე, რომელ კლუბშიც კონსულტანტად წახვედით, "ბორჯომში" თუ "ბაიაში", ყველა გაკოტრდა.
- "ბორჯომი" ჩემ ჩასვლამდეც გაკოტრებული იყო, იმის იმედი კი მაქვს, რომ "ბაიას" მალე ეშველება.
ყოველდღიური სპორტული გაზეთი
"ლელო"
