ერთთვიანი იძულებითი პაუზის შემდეგ "საბურთალოს" ფეხბურთელი ჯიმი ტაბიძე მოედანს დაუბრუნდა. 18 წლის ფეხბურთელმა მენისკის ოპერაცია გაიკეთა. ეს კარგი ამბავია საქართველოს 19-წლამდელთა ნაკრების მთავარი მწვრთნელისთვის, გიორგი დევდარიანისთვის, რომლის გუნდიც გაზაფხულზე ევროპის ჩემპიონატის ელიტრაუნდში ითამაშებს.
"საბურთალოს" ცენტრალური მცველი დევდარიანის ნაკრების ერთ-ერთი საკვანძო ფიგურაა. ტაბიძემ ტრავმა 19-წლამდელთა ნაკრების შესარჩევი ეტაპის შეხვედრებამდე, შეკრებისას მიიღო.
30 ნოემბერს ტაბიძე "საბურთალოს" საწვრთნელ პროცესს შეუერთდა და არ არის გამორიცხული, 3 დეკემბერს, "ნორჩ დინამოსთან" პირველი ლიგის XVIII ტურის მატჩში, 18-კაციან განაცხადშიც მოხვდეს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![საქართველოს 19-წლამდელთა ნაკრებმა ლიეტუვა დაამარცხა [VIDEO]](/pictures/image7/e298fae04c08659f43d27d52505f0618.jpg "საქართველოს 19-წლამდელთა ნაკრებმა ლიეტუვა დაამარცხა [VIDEO]")
