24 თებერვალს, საქართველოს 17 წლამდე ფეხბურთელთა ნაკრებმა საერთაშორისო ამხანაგური შეხვედრა სლოვაკ თანატოლთა გუნდთან გამართა და ანგარიშით 1:0 გაიმარჯვა. მიხეილ მესხის სათადარიგო მოედანზე გამართულ შეხვედრაში ერთადერთი გოლი გიორგი არაბიძემ გაიტანა.
გოჩა ტყებუჩავას გაწვრთნილი გუნდი სლოვაკებს 26 თებერვალსაც დაუპირისპირდება, რითაც დაასრულებს ევროპის ჩემპიონატის ელიტრაუნდისთვის სამზადისის თბილისურ ეტაპს.
3 მარტს ქართველი ჭაბუკები გერმანიაში გაემგზავრებიან და დასკვნით შეკრებას დიუსელდორფთან ახლოს, ერთ-ერთ პატარა ქალაქში გაივლიან. ევროპის ჩემპიონატის ელიტრაუნდში საქართველოს ნაკრების მეტოქეები მასპინძელი ჰოლანდია, ბელგია და ჩრდილოეთი ირლანდია იქნებიან.
![არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]](/pictures/image7/f9eac084cd5410eb8cae8f345983facd.jpg "არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]")
