09:47 06-06-2016
U21. შვედეთი-საქართველო 3:2 - თამაში შვედების მოგებამდე [VIDEO]
AutoSharing Option
ცხადია, არ ვაპირებთ, მარცხი მხოლოდ არბიტრს გადავაბრალოთ. ქართველ ფეხბურთელებს თამაშის ბოლომდე კონცენტრაციის შენარჩუნება რომ უჭირთ, არახალია...
პირველ ტაიმში მეტოქეს ყველა კომპონენტში ვაჯობეთ, თუმცა პირველი გოლი მაინც ჩვენს კარში გავიდა. ქართველთა საჯარიმო მოედანში თამაშის წესები დაირღვა და პენალტი ზუსტად შეასრულა ოლსონმა.
გია გეგუჩაძის გუნდი არ გატყდა და მალევე გაათანაბრა ანგარიში. გიორგი ხარაიშვილის კუთხურის შემდეგ ბაჩანა არაბულმა ზურგით დაარტყა და შვედების კარი აიღო.
მეორე ტაიმიც თითქოს საჩვენო სცენარით მიდიოდა, სანამ არ დადგა 78-ე წუთი. მეკარე ოთო გოშაძე გამოსვლაზე შეცდა, ასაღები ბურთი საჯარიმოს გარეთ გამოიტანა და ემილ კრაფტმა შორეული, ულამაზესი დარტყმით გაგვიტანა. იმ ეპიზოდში გოშაძეს კარი "დაკარგული" ჰქონდა...
საქართველოს ნაკრებმა შეტევა გააძლიერა და გაიტანა. კუთხური ისევ ხარაიშვილმა მოაწოდა. მცველთაგან ამოტანილ ბურთს ოთარ კიტეიშვილი დახვდა და ულამაზესი გოლით აღადგინა წონასწორობა - 2:2.
ჩვენებს მოგებაც შეეძლოთ: გიორგი თევზაძისა და გრიგოლ ჩაბრაძის მიერ გათამაშებულ კომბინაციას ეს უკანასკნელი აგვირგვინებდა, მაგრამ შვედების მეკარემ თავისიანები აშკარა გოლისგან იხსნა.
მსაჯმა თამაშის დასრულებას საშველი აღარ დააყენა და მოტივირებულმა შვედებმა გაგვიტანეს. მასპინძელთა შემტევის მიერ დარტყმული ბურთი მარგველაშვილს მოხვდა. გოშაძემ ბურთი კი მოიგერია, მაგრამ... ლარსონმა ახლო მანძილიდან დასვა წერტილი - 3:2.
U21. ევრო 2017. საკვალიფიკაციო მატჩი. VI ჯგუფი
03.06. უდევალი. რიმნესდალენი
შვედეთი-საქართველო 3:2
გოლები: 1:0 ოლსონი (27-პენ), 1:1 არაბული (35), 2:1 კრაფტი (77), 2:2 კიტეიშვილი (89), 3:2 ლარსონი (90+6)
შვედეთი: ერლანდსონი, კრაფტი (87. სუნდბერგი), ვალკვისტი, ნილსონი, კონატე, ტანკოვიჩი, ფრანსონი, ოლსონი, ზენელი (90. ლარსონი), ენგვალი, მობერგ-კარლსონი (62. გუსტავსონი).
სათადარიგოები: იოჰანსონი, მანსი, ლუნდკვისტი, სელატორსი
მწვრთნელი: ჰაკან ერიქსონი
საქართველო: გოშაძე, გეგეჭკორი, მარგველაშვილი, ცნობილაძე, ჩაბრაძე, გვილია, გოროზია, ხარაიშვილი, კიტეიშვილი (90. თევზაძე), არაბული (72. შენგელია), კაჭარავა (80. ზივზივაძე).
სათადარიგოები: კუპატაძე, კირკიტაძე, ბიძინაშვილი, ტაბიძე
მწვრთნელი: გია გეგუჩაძე
გაფრთხილება: ვალკვისტი (20), ჩაბრაძე (26), არაბული (54)
არბიტრი: მ. ჰემეტერი (ავსტრია).
სატურნირო ცხრილი
ა გ თ მ ფ წ ბ ქ
1. ხორვატია 7 6 0 1 19-4 18
2. შვედეთი 6 5 1 0 15-3 16
3. ესპანეთი 6 4 1 1 16-8 13
4. საქართველო 8 3 0 5 14-15 9
5. ესტონეთი 7 1 1 5 3-17 4
6. სან მარინო 8 0 1 7 1-21 1
ყოველდღიური სპორტული გაზეთი "ლელო"
მკითხველის კომენტარები / 11 /
თარიღის მიხედვით
მოწონებების მიხედვით
გოშაძე არგააკაროთ ნაკრებს
0
0
გეგუჩაძე,კარგი კომპეტენტური მწვრტნელია
0
0
Saqartvelos ufro kargi zvrtneli unda yavdes
0
0
ჩვენი მეორე გოლი რატომ არაა ვიდეოში?
0
0
ბოლო გოლი ჰენრიკ ლარსონის შვილმა გაიტანა...
0
0
სამწუხაროდ ჩვენი ნაკრებების ყველა თაობაში არიან კალაძეები და ამისულაშვილები,ამჟამად მართალია მათ პირდაპირ გოლები არ შეუგდიათ საკუთარ კარში,მაგრამ ხელი ნამდვილად შეუწყეს არგასაშვები გოლების ჩვენს კარში შეგდებას,რაც ძალიან სამწუხაროა,ხოლო მეკარე გოშაძე ეს ცალკე თემაა,ასთი დონის მეკარეს მწვრთნელი,რომელიც ჩვენი პირველი ნაკრების მომავალ დამრიგებლად მოიაზრება,ნაკრებში არ უნდა იწვევდეს,რაც არუნდა ძლიერი ნაკრები გყავდეს,ასეთი მეკარის გადამკიდე ვერცერთ თამაშს ვერ მოიგებ,ეს გამორიცხულია,მეკარემ გუნდი უნდა იხსნას გოლისგან,უნდა გადაარჩინოს,ხოლო გოშაძე პირიქით,არგასატან გოლი უშვებს,რაც დამღუპველია გუნდისთვის.
0
0
ბოლო ბოლო მოიყვანეთ გეგუჩაძე ნაკრებში და მორჩით კუკუდამალობანას, ნაკრების თავკაცი აუცილებლად ქართველი უნდა იყოს, რუმინეთთან თამაშში ეს კიდევ ერთჯერ გამოჩნდა, ამას ჰქვია მწვრთნელის აგდება რაც ამ ვაი ფეხბურთელებმა გააკეთს, გეგუჩაძემ არა მგონია ეს გააბედინოს, არც ცხადაძე იყო ცუდი ვარიანტი
0
0
მე ვფიქრობ, რომ თუ საქართველოს ძირითად ნაკრებს 80-90 პროცენტით ამ ასაკობრივი ნაკრების ფეხბურთელებით დააკომპლექტებენ და ოქრიაშვილით და კიდევ 2-3 ფეხბურთის თამაში რომ იცის ისეთი ფეხბურთელით გააძლიერებენ, მაშინ ახლა რომ გვაქვს იმაზე გაცილებით უკეთესი შედეგები გვექნება!სულ მალე 1-2 წელიწადში, ეს ახალგაზრდები თავის სიტყვას იტყვიან!
0
0
კიტეიშვილის გოლი რატომ არ არის ვიდეოში?(((
0
0
გოშაძე ძალიან სუსტი მეკარეა - პრაქტიკულად მან წააგო ეს თამაში
0
0
< წინა12შემდეგი >
თარიღის მიხედვით
მოწონებების მიხედვით
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
![](/images/new_photo/rss/ipn_rss_big.jpg)
![](/images/new_photo/rss/palitra_logo.png)
უძრავი ქონება
![უძრავი ქონება](/images/new_photo/rss/116_38.jpg)
![](/images/new_photo/rss/rss_hotsale_logo.png)
სიახლეები
პოპულარული
![](/images/new_photo/rss/palitratv_sp.png)
![](/images/new_photo/allnews_new_rss.png)
![](/images/new_photo/rss/intermed_new_logo.png)