საქართველოს ფეხბურთის ფედერაციამ წარმატებით დაასრულა საფრანგეთის ფეხბურთის ფედერაციასთან მოლაპარაკებები - მხარეთა შეთანხმებით, 6 ოქტომბერს ჩვენი 21-წლამდელთა ნაკრები სტუმრად ამხანაგურ მატჩს ჩაატარებს ფრანგებთან. შეხვედრის მასპინძელი ქალაქი და დრო მოგვიანებით დაზუსტდება.
საფრანგეთთან მატჩამდე საქართველოს ახალგაზრდულ ნაკრებს ორი ევროშესარჩევი თამაში ელის - 1-ელ სექტემბერს სტუმრად ესტონეთთან (იქაური დროით 18:00), ხოლო 6 სექტემბერს, 19:30 საათზე ქალაქ ზესტაფონში ხორვატიასთან.
სფფ-ის პრესსამსახური
