23 ივლისს, საქართველოს ეროვნული ლიგის მე-19 ტურის კიდევ ერთი შეხვედრა საჩხერეში გაიმართა. ადგილობრივმა "ჩიხურამ" გორის "დილას" უმასპინძლა და მეტოქეს ანგარიშით 4:2 მოუგო.საჩხერელთა შემადგენლობაში ჰეთ-თრიკი გაიფორმა მიშიკო სარდალიშვილმა, რომელმაც მატჩის 32-ე (პენალტი), 45-ე და 69-ე წუთებზე გაიტანა. მეოთხე გოლის ავტორი "ჩიხურას" შემადგენლობაში ბაქარ მირცხულავაა.
რაც შეეხება გორელებს, მათ შემადგენლობაში გოლებით თავი 42-ე წუთზე ირაკლი მოდებაძემ, 88-ე წუთზე კი სალიეუ ტარავალიემ გამოიჩინეს.
ამ გამარჯვებით "ჩიხურას" 29 ქულა დაუგროვდა და სატურნირო ცხრილში მეოთხე ადგილზეა, "დილა" კი 22 ქულით მეშვიდეა.
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
