ზესტაფონი. დ. აბაშიძე 1000 მაყურებელიზესტაფონი-გაგრა 4:1
1:0 დვალი (11. ბენაშვილის პასით), 2:0 გრიგალაშვილი (25. წინამძღვრიშვილის პასით), 3:0 გელაშვილი (79. გრიგალაშვილის პასით), 3:1 შარიქაძე (84. სიჭინავას პასით), 4:1 გელაშვილი (86. ელიავას პასით)
ზესტაფონი გაგრა
4-4-2 4-2-3-1
კვასხვაძე სეფიაშვილი
ბენაშვილი ყურულაშვილი
ონიანი კალანდაძე
საჯაია ტყეშელაშვილი
ელიავა გაბუნია
აფციაური ნაკონეჩნი
გორგიაშვილი ქართველიშვილი
გრიგალაშვილი გაბედავა
სარდალიშვილი შარიქაძე
დვალი სიჭინავა
წინამძღვრიშვილი მაგაჯი
მწვრთნელი: მწვრთნელი:
გ. ჭიაბრიშვილი ზ. ჯელაძე
ზესტაფონი
55. დვალი -გელაშვილი
65. სარდალიშვილი-ფიფია
77. გორგიაშვილი-ძარია
სათადარიგოები: მამალაძე, ღონღაძე, კობახიძე, ალადაშვილი
გაგრა
29. ქართველიშვილი -ჯერემია
46. მაგაჯი -კვანტალიანი
75. გაბედავა-ჭკუასელი
სათადარიგოები: მაღრაძე, ჯგერენაია, ორდინსკი, ზვიადაძე
გაფრთხილება: ტყეშელაშვილი (85)
არბიტრი:
,,ზესტაფონი" და ,,გაგრა" წლის ბოლოს ერთმანეთს სუპერთასისთვის შეებრძოლებიან, მანამდე კი დიდი დროა და ძნელი სათქმელია მოქმედი ჩემპიონი და თასის მფლობელი ამ შეხვედრას როგორ ფორმაში შეხვდებიან. ჩემპიონატის მატჩში კი ზემოიმერლებმა მოწინააღმდეგე ყველანაირად დაჯაბნეს - ბურთსაც აკონტროლებდნენ და ფლანგების გამოყენებით მწვავედაც უტევდნენ.
გაგრელები ძირითადად დაცვით იყვნენ დაკავებულნი და მეტოქისთვის პრობლემების შექმნას კონტრშეტევებით ცდილობდნენ. მასპინძლებს დებიუტშივე შეეძლოთ დაწინაურება, გორგიაშვილის კუთხურის შემდეგ ონიანმა კარის მიმართულებით თავით დაარტყა, მაგრამ ბურთი მცირედით ასცდა მიზანს. სეფიაშვილის კარი ,,მშრალად" დიდხანს არ შენახულა. მე-11 წუთზე ბენაშვილის ჩაწოდების შემდეგ, რომელიც ,,ზესტაფონის" მაისურით 116-ე მატჩს ატარებდა, დვალმა მცველებს დაასწრო და ეფექტური დარტყმით მეკარეს ბურთი თავზე გადაუგდო - 1:0.
გაშვებული გოლის შემდეგ სტუმართაგან ყველაზე აქტიურმა მიკოლა ნაკონეჩნიმ დაარტყა კვასხვაძის კარის მიმართულებით, მაგრამ მის მცდელობას შედეგი არ მოჰყოლია. 25-ე წუთზე მოედნის ცენტრიდან გრიგალაშვილის მიერ წამოწყებული შესანიშნავი კომბინაცია დვალმა გააგრძელა, მისგან ბურთი წინამძღვრიშვილმა მიიღო, მან კი გრიგალაშვილი მეკარესთან პირისპირ გაიყვანა, შოთამ მდევრებს დააწრო და მისივე წამოწყებული შეტევა ლამაზი გოლით დააგვირგვინა - 2:0.
ანატოლი პისკოვეცის შემცვლელმა ზვიად ჯელაძემ მდგომარეობის გამოსწორება ნაადრევი ცვლილებით სცადა. ბექა ქართველიშვილის ნაცვლად მოედანზე ჯონი ჯერემია შეიყვანა, რომელიც აქტიურად ჩაერთო თამაშში. ტაიმის ბოლოს გაგრელებმა თამაში გაათანაბრეს და ორჯერ კარის მიმართულებითაც დაარტყეს, მაგრამ კვასხვაძე ორივეჯერ საიმედოდ გაისარჯა.
გაგრელების აქტიურობა მეორე ტაიმის საწყის წუთებშიც გაგრძელდა. გაბედავას პასის შემდეგ სიჭინავა ცაციათი სახიფათოდ ურტყამდა, მაგრამ მცირედით ააცილა. მალევე ზესტაფონელთაგან სარდალიშვილს მიეცა თავის გამოჩენის შანსი, მაგრამ მის დარტყმულ ბურთს სეფიაშვილი დაეუფლა. ამის შემდეგ თამაში დამშვიდდა და ტაიმის შუაწელამდე საინტერესო აღარაფერი მომხდარა, მერე კი ჭიაბრიშვილმა მოედანზე ნიკა გელაშვილს უხმო, რომლისთვისაც ეს ,,ზესტაფონის" მაისურით ეროვნულ ჩემპიონატში ჩატარებული საიუბილეო, მე-100 შეხვედრა იყო. მისი გამოსვლის შემდეგ ფეროელებმა კვლავ მწვავედ შეუტიეს. განსაკუთრებით სანახაობრივი და უხვგოლიანი გამოდგა მატჩის ბოლო ათწუთეული. 79-ე წუთზე გრიგალაშვილი-წინამძღვრიშვილი-გელაშვილის კომბინაცია გელაშვილმა დააგვირგვინა - 3:0.
რამდენიმე წუთში სტუმრებმა პრესტიჟის გოლის გატანა მოახერხეს, სიჭინავას პასით მეკარესთან პირისპირ დარჩენილმა შარიქაძემ კვასხვაძეს შანსი არ დაუტოვა - 3:1.
გაგრელებს გახარება არ დაესრულებინათ, მასპინძლებმა სამბურთიანი უპირატესობა რომ აღადგინეს: ელიავას ფლანგური ჩაწოდების შემდეგ სტუმართა მცველები დაიბნენ, ტყეშელაშვილმა ბურთი ვერ მოიგერია და გელაშვილმა ბურთი დაუცველ კარში ,,შეაცილა". სხვათა შორის,ჩემპიონატებში ეს ნიკას 59-ე ზესტაფონური გოლი იყო. გულშემატკივრები ამ რიცხვის ,,დამრგვალებასაც" ითხოვდნენ, მაგრამ დარჩენილ დროში გოლი აღარ გასულა.
ყოველდღიური სპორტული გაზეთი "ლელო"
