02.04.2012. ბათუმი. ადელი. 1000 მაყურებელიდინამო (ბთ)-გურია 1:3
0:1 მაისაშვილი (36. ჩუენსუს პასით), 0:2 კვერენჩხილაძე (76. მაისაშვილის პასით), 0:3 კვერენჩხილაძე (80. ტ. კუკულაძის პასით), 1:3 ა. მუჯირი (90)
დინამო (ბთ) გურია
4-4-2 4-2-3-1
მ. ალავიძე ბუბუტეიშვილი
რამიშვილი ჩუენსუ
ხუხია ბაქრაძე
კაჭკაჭიშვილი რ. ონიანი
ქორიძე ჯანგიძე
თოდაძე ჩარგეიშვილი
ვ. თევდორაძე სამსეიშვილი
ა. მუჯირი მოსიაშვილი
ცნობილაძე მაისაშვილი
ბაციკაძე ტ. კუკულაძე
დიასამიძე კვერენჩხილაძე
მწვრთნელი მწვრთნელი
ი. ნასუაშვილი გ. იმნაძე
დინამო (ბთ)
46. ვ. თევდორაძე - აბუსელიძე
46. ბაციკაძე - ცანავა
72. დიასამიძე - ზოიძე
სათადარიგოები: მაკარიანი, გოგიტიძე, ნ. ნასუაშვილი
გურია
79. მაისაშვილი - ზ. ჩხეტიანი
87. ტ.
90. მოსიაშვილი - ე. კილაძე
სათადარიგოები: გოგუაძე, რ. კუკულაძე, ალავერდაშვილი, შეწირული
გაფრთხილება: ხუხია (11), ონიანი (15), სამსეიშვილი (28), ბუბუტეიშვილი (60), ცანავა (61), მუჯირი (71), ჩუენსუ (83)
გაძევება: ხუხია (80)
არბიტრი: ო. ხეცაძე (თბილისი)
გურულების სტუმრობა ხუმრობა მართლაც არავის უნდა ეგონოს: პლეი-აუტში "გურია" ერთადერთი გუნდია, გასვლაზე ჯერ რომ არ წაუგია და შესაბამისად, ამ მხრივ საუკეთესო შედეგიც აქვს.
სამაგიეროდ, საშინაო არენა ცუდად ბათუმელებმა დასცადეს და ორივე გურულ კლუბთან იმ სამეულს ქმნიან, საკუთარ კედლებში ერთხელაც რომ ვერ მოუგიათ.
მატჩის შედეგს რომ ორივე გუნდისთვის დიდი მნიშვნელობა ჰქონდა, სატურნირო მდგომარეობიდანაც კარგად ჩანდა. ბოლო მატჩებში საშინაო წარუმატებლობების გამო სიტუაცია ორივე გუნდს გაურთულდა და ბათუმურ მატჩს ეს დიდ ინტრიგას მატებდა. ამიტომაც "ადელზე" სრული ანშლაგიც მოსალოდნელი იყო და ამაში წვლილი ლანჩხუთელებმაც შეიტანეს - ბათუმში "გურიის" 300-ზე მეტი ფანი ჩავიდა.
უშუალოდ შეხვედრა თანაბარ ორთაბრძოლაში დაიწყო. თითქოს გურულები ცდილობდნენ უპირატესობის მოპოვებას, თუმცა რეალურ მომენტამდე საქმე არ მიდიოდა. სამაგიეროდ, საწყის წუთებში ზედიზედ სამჯერ ხიფათი ბათუმელებმა შექმნეს. სამივეჯერ კარგად გაისარჯა "გურიის" მეკარე, თორემ მასპინძლები უთუოდ დაწინაურდებოდნენ. მეოთხედ უკვე გურულთა მეკარის შეცდომას მოჰყვა ხიფათი, მაგრამ "დინამომ" ამით ვერ იხეირა.
სამაგიეროდ, ერთ-ერთი პირველი რეალური მომენტი მასპინძლების კარის აღებით დასრულდა: გურულებს აშკარად ეტყობოდათ, ფრეზე თანახმა არ იყვნენ და მწვავედაც იჩხვლიტებოდნენ, გარკვეული უპირატესობაც მიიღეს და მას შემდეგ, რაც მარჯვენა ფლანგზე კარგად შეჭრილმა, არნო ჩუენსუმ მეკარის ბაქანში ჩააწოდა, მეკარეს დემურ სამსეიშვილმა აჯობა.
მანამდე ერთხელ მიხეილ ალავიძემ გადაარჩინა გუნდი, როცა საჯარიმოს მისადგომებიდან თამაზ ჩარგეიშვილი ურტყამდა, ხოლო გოლის შემდეგ 2-ჯერ სტუმრებმა კარგი შანსი ვერ გამოიყენეს, კონტრშეტევა საგოლე ხიფათამდე მიეყვანათ.
მართალია, მეორე ნახევარში გურულებმა დაცვის გაძლიერებაზე იწყეს ფიქრი და კონტრშეტევების იმედზე იყვნენ, მაგრამ სათამაშო უპირატესობის მიუხედავად, ბათუმელები ლევან ბუბუტეიშვილის კარს რეალურად ვერ ემუქრებოდნენ - "გურიის" დაცვაც საიმედოდ ირჯებოდა და მასპინძლებსაც აშკარად არ გამოსდიოდათ ხეირიანი შეტევა.
ამით კარგად ისარგებლეს ლანჩხუთელებმა - მატჩის გმირი კი გიგა კვერენჩხილაძე გახდა! პლეი-აუტის საუკეთესო ბომბარდირმა 4-წუთიან მონაკვეთში მატჩის ბედი გადაწყვიტა: ორივეჯერ თითქმის ერთნაირ სიტუაციაში ართმევაზე კარგად ითამაშეს ჯერ სამსეიშვილმა, შემდეგ კი ტარიელ კუკულაძემ და კვერენჩხილაძეს საგოლედ უპასეს. თუმცა გამორჩეული გიგას პირველი გოლი იყო - მცველებს შორის გაჭრილმა მეკარეს ბურთი თავზე მაღალოსტატურად გადაუგდო.
მისი მეორე გოლის შემდეგ ნერვებმა უმტყუნა მასპინძელ მცველს ნიკა ხუხიას, როცა არბიტრს ფიზიკური შეურაცხყოფა მიაყენა - ტალახში ამოყირავებულმა ოთარ ხეცაძემ მას მყისიერად წითელი აუფრიალა.
მატჩის მიწურულს ამირან მუჯირმა, მართალია, მხოლოდ პრესტიჟის, მაგრამ მატჩის მშვენება გოლი შეაგდო, როცა საჯარიმოს მისადგომებიდან ბუბუტეიშვილს "ცხრიანში" აუღებელი დაურტყა.
ყოველდღიური სპორტული გაზეთი "ლელო"
