ფოთის "კოლხეთი" სეზონისთვის მზადებას 10 იანვრიდან შეუდგა. პირველი წრის ბოლოს, ფინანსური პრობლემების გამო, გუნდის მთავარი მწვრთნელი სოსო ფილია იძულებული გახდა, 11 გამოცდილი მოთამაშე გაეშვა.ცხადია, გუნდს გაძლიერება, წასულებს კი - შემცვლელების მოძებნა ესაჭიროებათ. ამიტომ მოსამზადებელი ეტაპის დაწყების შემდეგ ფილია 35 მოთამაშეს აკვირდებოდა.
საკონტროლო მატჩებში (წალენჯიხის "სქურთან" და "სამტრედიასთან" შესაბამისად, 1:0 და 2:1 მოიგეს, ლანჩხუთის "გურიასთან" - 2:2 ითამაშეს), ფილიამ ბევრი ახალგაზრდა მოთამაშე გამოსცადა, რომელთა უმრავლესობაც ადგილობრივია.
ფილიამ გუნდში ლეგიონერებიც მიიწვია - ნიგერიელი შემტევი ნახევარმცველი ბობო და კოტდივუარელი ფორვარდი ბაჩუ -
მათზე დაკვირვების შემდეგ ფილია იმედგაცრუებული დარჩა და აფრიკელების დამატებაზე უარი თქვა.
ფილიას თქმით, ფოთელთა სელექციის მიზანი მოთამაშეების არა სეზონის ბოლომდე, არამედ 2-3 წლით დამატება და პერსპექტიული გუნდის მშენებლობაა.
ყოველდღიური სპორტული გაზეთი "ლელო"
