საქართველოს ჩემპიონატი. XXIII ტური: გორელებმა რევანში აიღეს [VIDEO]

9 მარტს საქართველოს ჩემპიონატის 23-ე ტურის მატჩები გაიმართა.

თბილისის "დინამომ" საკუთარ მოედანზე "ზუგდიდს" უმასპინძლა. შეხვედრაში ანგარიში დინამოელებმა 42-ე წუთზე ჩისკოს გოლით გახსნეს. 64-ე წუთზე მასპინძლების უპირატესობა ორამდე ალვარომ გაზარდა. 73-ე წუთზე კი საკუთარ ანგარიშზე გოლი ჯაბა დვალმაც ჩაიწერა. საბოლოოდ "დინამომ" ანგარიშით 3:0 მოიგო.



ტურის ცენტრალურ შეხვედრაში გორის "დილამ" "ზესტაფონი" მიიღო და ანგარიშით 2:1 დაამარცხა.

22-ე წუთზე დაწინაურება გორელებმა ლაშა გვალიას ზუსტი პენალტით შეძლეს. ხოლო 39-ე წუთზე "დილას" ბრაზილიელი ლეგიონერი ჯუნიორი გამოირჩა და საკუთარი გუნდი კიდევ უფრო წინ გაიყვანა. 76-ე წუთზე კი ერთი ბურთის გაქვითვა სტუმართა ფეხბურთელმა თორნიკე გორგიაშვილმა შეძლო.



რუსთავში "მეტალურგმა" ფოთის "კოლხეთი" მინიმალური ანგარიშით დაამარცხა. გოლის ავტორი 16-ე წუთზე გოგა ფიფია გახდა.



ბათუმის "დინამო" მარტვილში "მერანს" სტუმრობდა. "დინამომ" მეტოქეს 52-ე წუთზე კარენ მაკარიანის გოლით სძლია.

ბოლნისის "სიონმა" სტუმრად "ვიტ ჯორჯიას" ანგარიშით 2:0 მოუგო. პირველი გოლი 41-ე წუთზე ჰალენმა გაიტანა, 55-ე წუთზე კი გიორგი ცხადაია გამოირჩა.

ქუთაისის "ტორპედოსა" და საჩხერის "ჩიხურას" შორის მატჩი უგოლო ფრედ დასრულდა.

ზედა ექვსეული. სატურნირო ცხრილი
ა გ თ მ ფ წ ბ ქ
1. დინამო (თბილისი) 23 17 4 2 66:19 55
2. დილა (გორი) 23 17 1 5 38:16 52
3. ტორპედო (ქუთაისი) 22 14 3 5 41:18 45
4. ჩიხურა (საჩხერე) 22 13 4 5 35:21 43
5. ზესტაფონი 23 11 4 8 31:22 37
6. ზუგდიდი 23 10 5 8 27:29 35

ქვედა ექვსეული. სატურნირო ცხრილი
ა გ თ მ ფ წ ბ ქ
1. მეტალურგი (რუსთავი) 23 10 4 9 22:26 34
2. მერანი (მარტვილი) 23 7 2 14 23:37 23
3. ვიტ ჯორჯია (თბილისი) 23 5 7 11 15:31 22
4. სიონი (ბოლნისი) 23 5 6 12 16:38 21
5. დინამო (ბათუმი) 23 4 4 15 23:47 16
6. კოლხეთი (ფოთი) 23 0 4 19 11:44 4

მატჩების შემდგომი კომენტარები:
დუშან უჰრინი: ვეცდებით "დილასთან" უკეთ ვითამაშოთ, ვიდრე "ზუგდიდთან"
ჯაბა დვალი: ჩვენი მიზანი ჩემპიონობა და თასის მოგებაა