24 ნოემბერს "ზუგდიდის" მთავარი მწვრთნელის პოსტზე გიორგი დარასელიას დებიუტი უნდა შემდგარიყო, თუმცა "მცხეთა პარკზე", სადაც ეროვნული ჩემპიონატის მე-13 ტურში ზუგდიდელები "ვიტ ჯორჯიას" ესტუმრნენ, სტუმრები მოედანზე ოთარ თუთბერიძემ გაიყვანა. არადა, კლუბის ოფიციალური ვებგვერდი წერდა, რომ გუნდის ახალმა მთავარმა მწვრთნელმა 19 ნოემბერს "ზუგდიდი" პირველად ავარჯიშა, "ვიტ ჯორჯიასთან" მატჩამდე კი ის ოფიციალურადაც წარადგინეს.
რატომ არ იყო დარასელია მცხეთაში "ზუგდიდის" მთავარი მწვრთნელის რანგში და ხომ არ გადათქვა გუნდში მისვლა?
შევიტყვეთ, რომ მიზეზი ტექნიკურია. ზუგდიდური კლუბის მწვრთნელის დოკუმენტურად დამტკიცება ვერ მოხერხდა, რის გამოც დარასელიამ თამაშს
დავაზუსტეთ და გვითხრეს, რომ ეს საკითხი უკვე მოგვარდა. "ზუგდიდის" მთავარი მწვრთნელის პოსტზე გორის "დილასა" და ხაბაროვსკის "სკა ენერგიას" ყოფილი თავკაცის დებიუტი მორიგ ტურში, მარტვილის "მერანთან" საშინაო მატჩში შედგება.
დარასელიას ძალიან მძიმე ამოცანის გადაწყვეტა მოუწევს - 13 ტურის შემდეგ "ზუგდიდი" 7 ქულით ბოლო, მე-12 ადგილზეა და კონკურენტ ცხინვალის "სპარტაკს" 3 ქულით ჩამორჩება.
ყოველდღიური სპორტული გაზეთი "ლელო"
![კუთხურიდან ჩახვეული ბურთი, წითელი ბარათები, პენალტები - ე-ლიგა 2-ის პლეი-აუტები დაძაბულად დასრულდა [VIDEO]](/pictures/image7/413d8dcb6aa0eb5b3b43a19d0117ec51.jpg "კუთხურიდან ჩახვეული ბურთი, წითელი ბარათები, პენალტები - ე-ლიგა 2-ის პლეი-აუტები დაძაბულად დასრულდა [VIDEO]")
![[წარდგენა] "გასწი, მერანო" - შეძლებენ თბილისელები უმაღლესში თავის წარმოჩენას?](/pictures/image7/824f60773d09dd2e8a3d480417d2dcd4.jpg "[წარდგენა] \"გასწი, მერანო\" - შეძლებენ თბილისელები უმაღლესში თავის წარმოჩენას?")
