ლანჩხუთის "გურიასთან" მატჩამდე გავრცელებული ხმები, რომ დუშან უჰრინი თბილისის "დინამოს" დატოვებდა და პლზენის "ვიქტორიას" ჩაიბარებდა, 5 დეკემბერს თავად ჩეხმა სპეციალისტმა დაადასტურა."გურიასთან" მოგების შემდეგ დინამოელთა მთავარი მწვრთნელი "გლადიატორების" ("დინამოს" ფანები) ტრიბუნასთან მივიდა და დაემშვიდობა. ასეთი რამ მას არასოდეს გაუკეთებია. რამდენიმე "გლადიატორი" "დინამოს" სათადარიგოთა სკამისკენ დაიძრა შეძახილებით - "დუშან! დუშან!"
მატჩის შემდეგ გამართულ პრესკონფერენციაზე "დინამოს" დამრიგებელმა მატჩი მიმოიხილა და მალე მთავარი კითხვაც მოისმინა.
- მართალია, რომ დღეს თბილისის "დინამოს" მწვრთნელის რანგში ბოლო შეხვედრა ჩაატარეთ და პლზენის "ვიქტორიაში" გადადიხართ?
- პარასკევს "დინამო
- "დინამოს" ტოვებთ?
- დიახ.
პრესკონფერენციის შემდეგ "ლელოს" უჰრინთან რამდენიმე კითხვის დასმის საშუალება მიეცა.
- მოკლედ, გადაწყდა, რომ "პლზენში" იმუშავებთ?
- დიახ, ჩემპიონთა ლიგაში მუშაობა ყველა მწვრთნელის ოცნებაა.
- რამდენწლიან კონტრაქტს აფორმებთ?
- ჯერ არ ვიცი, ამას ჩეხეთში ჩასვლის შემდეგ გავარკვევ.
- "პლზენი" დიდი სტიმულია, რასაც საქართველოზე ვერ ვიტყვით...
- რა თქმა უნდა, ჩემპიონატის გამო აქ მუშაობა ძნელია, თორემ "დინამო" კარგი გუნდია.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ეროვნული ლიგა. XXXIV ტური. "დინამო" (თბ) - "დინამო" (ბთ) [LIVE]](/pictures/image7/dc76f4b19e87731638aa25fbcb3ba236.png "ეროვნული ლიგა. XXXIV ტური. \"დინამო\" (თბ) - \"დინამო\" (ბთ) [LIVE]")
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
