საგაზაფხულო ეტაპის პირველივე ტურში, "ცხინვალთან" შეხვედრისას, გორის "დილას" ფორვარდი ირაკლი მოდებაძე დაუშავდა. გამოცდილ შემტევს კუნთი დაეჭიმა და პლუს, სისხლჩაქცევებიც აღმოაჩნდა.ამის გამო მოდებაძემ 3 მატჩი გამოტოვა - ჩემპიონატში ქუთაისის "ტორპედოსა" და ბათუმის "დინამოსთან", ხოლო თასზე - თბილისის "დინამოსთან".
გორელთა მთავარი მწვრთნელი უჩა სოსიაშვილი ამბობს, რომ მოდებაძე გუნდს მალე დაუბრუნდება:
"ირაკლი მოდებაძე ჩვენი ჩემპიონატის ერთ-ერთი გამორჩეული თავდამსხმელია. მისი არყოფნა "დილას" ძალიან დაეტყო. ის ვარჯიშს მალე განაახლებს და უახლოეს პერიოდში მოედანსაც დაუბრუნდება", - ამბობს სოსიაშვილი.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
