უმაღლესი ლიგის XXV ტური: ბათუმის "დინამომ" ლანჩხუთის "გურიას" მოუგო

25 აპრილს, საქართველოს ეროვნული საფეხბურთო ჩემპიონატის უმაღლესი ლიგის XXV ტურის ბოლო შეხვედრა გაიმართა, რომელშიც ბათუმის "დინამომ" ლანჩხუთის "გურიას" უმასპინძლა და მეტოქე ანგარიშით 2:1 დაამარცხა.

ქობულეთში, "ჩელე არენაზე" ანგარიში გიორგი ბერიაშვილმა უკვე მე-16 წუთზე გახსნა. მანვე პირველ ტაიმში დუბლიც (36) შეასრულა.
შეხვედრის მეორე ნახევარში გურულებმა მხოლოდ სხვაობის შემცირება შეძლეს - 82-ე წუთზე საბოლოო ანგარიში ჯემალ გოგიაშვილმა დააფიქსირა.

ამ გამარჯვებით ბათუმის "დინამომ", რომლის აქტივში 48 ქულაა, სატურნირო ცხრილში თბილისის "დინამოს" გადაასწრო და მეორე ადგილზეა. ცხრილს 51 ქულით გორის "დილა" ლიდერობს.

XXV ტურის

სხვა მატჩები:
დილა-შუქურა 5:2
გოლები: 1:0, 4:1 მიხაილ გორელიშვილი (9, 59), 2:0 გიორგი ერისთავი (24), 3:0, 5:2 ირაკლი მოდებაძე (39, 75), 3:1 გიორგი ჩელებაძე (41), 4:2 თორნიკე თუხარელი (61).

ცხინვალი-დინამო (თბ) 4:1
გოლები: 0:1 მათე ცინცაძე (25), 1:1 გიორგი ივანიშვილი (40), 2:1 ნიკა კაჭარავა (60), 3:1 ბიძინა მახარობლიძე (87), 4:1 რატი ცაწკრიალაშვილი (90).

ვიტ ჯორჯია-სიონი 2:0
გოლები: 1:0 ელგუჯა ლობჟანიძე (30), 2:0 კახა კახაბრიშვილი (45+2).

კოლხეთი-მეტალურგი 3:0
გოლები: 1:0 გურამ გურეშიძე (29), 2:0 ომარ გოგონაია (65), 3:0 მერაბ გიგაური (65).

ზუგდიდი-სამტრედია 1:1
გოლი: 0:1 ლევან კაკუბავა (67), 1:1 ლაშა ღონღაძე (78, პენ).

ტორპედო-ჩიხურა 1:2
გოლები: 0:1 დავით ოდიკაძე (52), 1:1 გურამ ადამაძე (67), 1:2 მიხეილ სარდალიშვილი (90+3).

მერანი-ზესტაფონი 3:0
(ტექნიკური წაგება).