ქუთაისის "ტორპედომ" სეზონი დაასრულა და ფეხბურთელები შვებულებაში გაუშვა. ცხადია, გუნდში საკადრო სიახლეები იქნება. ერთ-ერთი უკვე ცნობილია - გუნდი დატოვა ნიკა საბანაძემ. არადა, "ტორპედოს" ხელმძღვანელობა მასზე დიდ იმედებს ამყარებდა.
თავად ფეხბურთელი განმარტავს: "დამიკავშირდნენ და მითხრეს, რომ კონტრაქტს ვეღარ გავაგრძელებთ. მოულოდნელი გადაწყვეტილება იყო, მაგრამ, რაღა დაგიმალოთ და, გამიხარდა - თავისუფალი აგენტი გავხდი და დარწმუნებული ვარ, გუნდს მალე მოვძებნი.
წინადადებები მანამდეც მქონდა და არჩევანი ახლაც მაქვს. მიუხედავად ტრავმისა, ვიცი, რომ ჩემით რამდენიმე კლუბია დაინტერესებული", - გვითხრა საბანაძემ.
შეგახსენებთ, რომ ქუთაისის "ტორპედოს" გარდა, საბანაძეს
გარდა ამისა, შევიტყვეთ, რომ ქუთაისელთა კიდევ ერთი თავდამსხმელით, ოთარ კვერნაძით, თბილისის "დინამო" დაინტერესდა. თუმცა, ამ მხრივ, ჯერ კიდევ ბევრი რამაა დასაზუსტებელი.
(იბეჭდება მცირე ცვლილებით)
ყოველდღიური სპორტული გაზეთი "ლელო"
