"გურია" კოტდივუარელ თავდამსხმელ ბოტი გოა დემელს იმატებს. მას ქართველი ქომაგი "ზესტაფონიდან" იცნობს. 26 წლის აფრიკელი ფორვარდი იმერელთა შორის 2012/13 წლების სეზონში თამაშობდა (17 მატჩი, 3 გოლი), როცა იმ დროისთვის მოქმედი ჩემპიონი და სუპერთასის მფლობელი სათასო ბატალიებიდან მაშინ ჯერ კიდევ პირველლიგელმა "გურიამ" გამოთიშა.
სხვათა შორის, მაშინ დემელმა "გურიას" ორივე შეხვედრაში (0:1, 3:2) გაუტანა, თუმცა "ზესტაფონს" მისი გოლები არ ეყო და "სტუმრად" (ორივე მატჩი ზესტაფონში გაიმართა) გატანილი მეტი გოლის წყალობით, შემდეგ ეტაპზე ლანჩხუთელები გავიდნენ.
სხვა
ამით გურულები საკონტროლო მატჩების სერიას დაასრულებენ. აქამდე გამართული 9 მატჩიდან კახა გოგიჩაიშვილის შეგირდებს ჩინებული შედეგი აქვთ - 6 მოგება, 3 ფრე და არცერთი წაგება!
თუ იმასაც გავითვალისწინებთ, რომ ბოლო ტესტმატჩში "გურია" ქვედალიგელს ხვდება, დიდი ალბათობით, გუნდი ახალი სეზონის შემობრძანებას წაუგებელი ამხანაგურებით დახვდება.
ყოველდღიური სპორტული გაზეთი "ლელო"
