აღსანიშნავია, რომ თბილისის "დინამომ" ჩემპიონატის ზედიზედ მეოთხე მატჩში შეძლო 4 გოლის გატანა. დუბლი შეასრულა გიორგი ქვილითაიამ, რომელმაც ანგარიში 44-ე წუთზე გახსნა, 56-ეზე კი უპირატესობა ორბურთიანი გახადა. 76-ე წუთზე გატანილი გოლით უკვე ეროვნული ნაკრებიდან "დინამოში" დაბრუნებული მათე ცინცაძე გამოირჩა.
ამის შემდეგ სხვაობის შემცირება მასპინძლებმა შეძლეს - 81-ე წუთზე გატანილი გოლით ლაშა ჯღამაია გამოირჩა, საბოლოო ანგარიში კი ჯაბა ჯიღაურმა 90-ე წუთზე დააფიქსირა.
ამ გამარჯვებით გია გეგუჩაძის გუნდმა 12 ქულა დააგროვა და სატურნირო ცხრილში ერთპიროვნულად გალიდერდა (ტურის მატჩს მეორეადგილოსანი "სამტრედია" ხვალ "საბურთალოსთან" ჩაატარებს).
* * *
დღის მატჩში თბილისის "ლოკომოტივმა" ლანჩხუთის "გურიას" უმასპინძლა და 3:0 გაიმარჯვა.მიხეილ მესხის სახელობის სტადიონზე გოლები დემურ ჩხაიძემ, მამია გავაშელიშვილმა და ზვიად ქანთარიამ გაიტანეს. აღსანიშნავია, რომ "ლოკომოტივმა" ამ სეზონში პირველი ქულები მოიპოვა.
ტურის დანარჩენი 6 შეხვედრა 12 სექტემბერს გაიმართება.
![ეროვნული ლიგა. XI ტური. "დინამო" (თბ) - "თელავი" [LIVE]](/pictures/image7/33a5d735abd57bf4e305d9ea65909811.jpg "ეროვნული ლიგა. XI ტური. \"დინამო\" (თბ) - \"თელავი\" [LIVE]")
![ლამაზი გოლები... "სამგურალმა" "დინამო თბილისს" მოუგო, დერბები ფრედ დასრულდა [VIDEO]](/pictures/image7/85f1a83028671db3c85cbeac88707d64.jpg "ლამაზი გოლები... \"სამგურალმა\" \"დინამო თბილისს\" მოუგო, დერბები ფრედ დასრულდა [VIDEO]")
![ეროვნული ლიგა. X ტური. "სამგურალი" - "დინამო" (თბ) [LIVE]](/pictures/image7/859dc987155f477ff5767a4bf1445d97.png "ეროვნული ლიგა. X ტური. \"სამგურალი\" - \"დინამო\" (თბ) [LIVE]")
