ქუთაისის "ტორპედო" დაკომპლექტებას აგრძელებს. კლუბის პრესსამსახურის ცნობით, კონტრაქტი კიდევ ორ ფეხბურთელს გაუგრძელეს - თავდამსხმელი ოთარ კვერნაძე და მეორე წრეში პირველი ლიგის ბინადარ "რუსთავში" იჯარით წასული მეკარე ტარიელ ხაინდრავა გუნდში კიდევ წელიწად-ნახევრით დარჩებიან.ამასთან, "ტორპედო" ორ მცველსაც შეელია - ზურაბ ფანცხავა წყალტუბოს "სამგურალში" იჯარით ითამაშებს, ხოლო ალეკო ნაცვლიშვილმა "ტორპედო" დატოვა. საინტერესოა, რომ საკონტრაქტო ვადა ამოეწურათ და "ტორპედოში" აღარ იმუშავებენ გუნდის უფროსი ჯამბულ (პაპუნა) მელაძე და სპორტული მენეჯერი ლევან სილაგაძე.
მოსამზადებელი ეტაპის გეგმები ქუთაისური კლუბის ახალმა მთავარმა მწვრთნელმა კობა ჟორჟიკაშვილმა გაგვანდო:
"ჩვენ
მომზადების დაწყება ივნისის შუა რიცხვებში გვსურს. თუ უცხოეთში წავალთ, ეს ჩემპიონატის დაწყებამდე 20 დღით ადრე აჯობებს, ანუ ივლისში, და სავარაუდოდ, იმ ევროპულ ქვეყნებში, სადაც ზაფხულში კარგი მოსამზადებელი პირობებია - სლოვენიაში, უნგრეთში ან ავსტრიაში", - ამბობს ჟორჟიკაშვილი.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
