29 ივნისს, 17 საათზე, "გურია" გრიგოლეთში, საკუთარ ბაზაზე ახალი სეზონისთვის მზადებას იწყებს. გუნდში მნიშვნელოვანი ცვლილებებია - გარდამავალ ჩემპიონატს "გურია" უმეტესად ახალი ფეხბურთელებით ჩაატარებს. გადაწყვეტილია, რომ გუნდს თემურ მახარაძე გაწვრთნის.
ბაზაზე უკვე იმყოფება ოთხი ბრაზილიელი და ერთიც კოტდივუარელი ფეხბურთელი. ეს უკანასკნელი, ჰასან ბელემოუ, 23 წლისაა და ამპლუით შუახაზელია.
როგორც იცით, გასულ სეზონში "გურიაში" 10-ზე მეტი ლეგიონერი ირიცხებოდა, რომელთაგან ოთხმა - კლუბი უკითხავად დატოვა. დანარჩენებიდან უმეტესობასთან კონტრაქტი აღარ გაგრძელდა.
ძველი ლეგიონერებიდან რჩებიან - უკრაინელები ევგენი მოროზენკო, ანდრეი პოლტავცევი და ვასილი შტანდერი, ასევე,
სამშაბათს ბაზაზე იმყოფებოდა და გუნდი მოინახულა ლანჩხუთის გამგებელმა და კლუბის პრეზიდენტმა ზაზა ურუშაძემ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
