საქართველოს ჩემპიონატის პირველი ლიგის გუნდები სეზონს 19 აგვისტოს დაიწყებენ. გარდამავალი პირველობის სტარტამდე ჯერ კიდევ დიდი დროა და გუნდები მზადებას აგრძელებენ."გაგრა" ამხანაგურ შეხვედრებში ცდილობს იმ ბირთვის შეკვრას, რომელიც დაძაბულ სეზონში მიზნის მიღწევას შეძლებს. ანატოლი პისკოვეცის გაწვრთნილებმა მორიგი ამხანაგური შეხვედრა საჩხერეში "ჩიხურასთან" გამართეს და 0:3 დამარცხდნენ. თუმცა სტუმრები ასეთ მარცხს არ იმსახურებდნენ, რადგან მე-5 წუთზე პენალტი ვერ გამოიყენეს და მერე ორი კარგი მომენტი გაანიავეს.
ამ მატჩის შემდეგ "გაგრას" რამდენიმე ფეხბურთელი დაემშვიდობა - ნიკა დადიანი, ვაჟა მათიაშვილი, იაროსლავ ვაჟკი და შოთა დავლაშელიძე.
მორიგ ამხანაგურ შეხვედრას გუნდი 27 ივლისს მუხრანში, კახი გოგიჩაიშვილის გაწვრთნილ ტყიბულის "მეშახტესთან" გამართავს, 1-ელ აგვისტოს "რუსთავს" ეთამაშება, ხოლო სეზონის დაწყებამდე ბოლო სპარინგს მარტვილის "მერანთან" ჩაატარებს.
![ეროვნული ლიგა. XXXI ტური. "გაგრა" - "სამტრედია" [LIVE]](/pictures/image7/4b0083628fe670ca04775c10fe11f679.jpg "ეროვნული ლიგა. XXXI ტური. \"გაგრა\" - \"სამტრედია\" [LIVE]")
![ეროვნული ლიგა. XXIX ტური. "დინამო" (ბთ) - "გაგრა" [LIVE]](/pictures/image7/aabaf85099ba61777969b1e7b4aac87d.png "ეროვნული ლიგა. XXIX ტური. \"დინამო\" (ბთ) - \"გაგრა\" [LIVE]")
